Ձեր վստահելի աղբյուրը

Գորիսի համայնքապետի տեղակալ  Իրինա Յոլյանը ֆեյսբուքյան իր էջում անդրադառնալով  համայնքապետ Առուշ Առուշանյանի ձրբակալմանը, գրել է․

«Փորձում են կալանավորել մի մարդու ով`

Պատերազմի առաջին օրից մոբիլիզացրեց ամբողջ համայնքը,  խրամատում էր իր ջոկատներով և մեկ րոպե մենակ չթողեց տղաներին։

 Պատերազմի օրերին հասցնում էր ինքնապաշտպանական ջոկատներին ապահովել հագուստով, զրահապատ բաճկոններով ու կապի միջոցներով` շուրջ 250.000դոլարի ներդրում է արել միայն  իր ընտանիքի միջոցներով, հոգացել է բոլոր ջոկատների սննդով ապահովելու հարցը

Իր ընտանիքին և ընկերներին պատկանող  տեխնիկան ամբողջովին ծառայեցրել է  սահմանի ողջ երկայնքով խրամուղիներ անցկացնելուն, ինժեներական աշխատանքներ կազմակերպել

Իր համայնքում հյուրընկալել էր և հոգում էր ամենատարբեր խնդիրներով  Գորիս եկած  10500 քաղաքացու հարցը

Մինչ օրս հոգատար կերպով լուծում է իր համայնքում հյուրընկալված թվով 3500 քաղաքացիների հոգսը, ովքեր Հադրութից են, Իշխանաձորից, այլ տեղերից և այլևս վերադառնալու հնարավորություն չունեն

Հոկտեմբերի 1-ից անվճար կերպով հացով ապահովել է  Ստեփանակերտին

 Հիմա Գորիսը Բերձորին է հաց մատակարարում։

Պատերազմի օրերին կազմակերպել է զոհված հազարավոր զինվորների մարմինների տեղափոխումը դեպի Գորիս, ապա` այլ մարզեր։

 Բազմաթիվ այլ կարևոր գործառույթներ են եղել, որոնք  իր լիազորության շրջանակում չէին, բայց այդ խնդիրները հենց Գորիսն է լուծել, որոնց մասին հիմա գրել չեմ կարող։ 

Կալանավորում են մի մարդու, ով շենացրել է իր քաղաքը։ Իր պաշտոնավարման տարիներին Գորիսը եղել է ` Տարվա բարեկարգ համայնք, Տարվա լավագույն համայնք, մի շարք ոլորտներում ունեցած առաջընթացի առումով,  եղել  է օրինակելի։

Անկախ ժամանակից, իրավիճակից արդարությունը միշտ հաղթում է, դա անհերքելի իրողություն է»։