Խրամատներից տեղափոխվել ենք մայրաքաղաք. ակցիա՝ ՔԿ դիմաց ի աջակցություն Քաջարանի քաղաքապետի

Հասարակություն 13:57 23/12/2020 Հայաստան

Խրամատներից տեղափոխվել ենք մայրաքաղաք. ակցիա՝ ՔԿ դիմաց ի աջակցություն Քաջարանի քաղաքապետի

Քաջարանի քաղաքապետ Մանվել Փարամազյանը Քննչական կոմիտեում է: ՔԿ դիմաց հավաքված են սյունեցիները, մասնավորապես, քաջարանցիներ:

«Այստեղ հավաքված ժողովրդի 90 տոկոսը 2 ամիս շարունակ եղել են խրամատներում: Խրամատներից տեղափովել ենք մայրաքաղաք: Բայց չենք եկել մայարքաղաք խրամատ ստեղծելու համար»,- ասաց քաղաքացիներից մեկը:

Նրանք երեկ համացանցից են իմացել, որ Մանվել Փարամազյանը հրավիրվել է Քննչական կոմիտե իրենց բոլորի համար անհասկանալի պատճառով: Քաղաքացիների խոսքով, դա տեղի ունեցավ այն բանից հետո, երբ արգելափակել էին Երևան-Գորիս միջպետական ճանապարհը:

«Մենք այստեղ ենք՝ հասկանալու, թե ինչու է մեր կողմից ընտրված համայնքապետը հրավիրվել այստեղ: Ակնհայտ կասկածելու հիմքեր կան, թե ինչու հենց այդ արգելափակումից անմիջապես հետո: Իսկ մեր պահանջը հայրենասիրական էր այնքանով, որ մենք ուզում էինք ստանալ Սյունիքում անվտանգ ապրելու երաշխիքներ: Երաշխքիների փոխարեն ամեն օր ավելի են ուզում թուլացնում այդ ողնաշարը»,- ասաց ակցիայի մասնակիցը:

Մի պահ ոստիկանների և քաղաքապետի աջակիցների միջև տեղի ունեցավ հրմշտոց։

Հիշեցնենք՝ Քննչական կոմիտեի երեկ Panorama.am-ին տեղեկացրել էր, որ ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրեական գործի շրջանակում, Քաջարանի համայնքի ղեկավարը դեկտեմբերի 22-ին հրավիրվել է Քննչական կոմիտե, սակայն վերջինս չի ներկայացել, կապ է հաստատել վարույթն իրականացնող քննիչի հետ խնդրելով՝ ներկայանալ դեկտեմբերի 23-ին: Վարույթն իրականացնող մարմինը ընդառաջել էր նրա խնդրանքին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: