Ձեր վստահելի աղբյուրը

Անհետ կորած զինվորների՝ երեկ Բաղրամյան պողոտան փակած հարազատներն այսօր հանդիպել էին Նիկոլ Փաշինյանի հետ:

Անհետ կորած զինծառայողների մեկի հորեղբայրը՝ Սերգո Գալստյանը ներկայացնում է այսօր կառավարությունում Նիկոլ Փաշինյանի հետ հանդիպումից մանրամասներ։ Նա նախ նշում է, որ հանդիպման ժամանակ որևէ հարցին հստակ պատասխան չեն սստացել։  Անհետ կորած զինծառայողների ծնողներից Փաշինյանը մինչև երեքշաբթի ժամանակ է խնդրել։

Նրանց պահանջներն են՝

1. բանակցել և որոնել անհետ կորածներին,
2. տեր կանգնել գերի ընկած մեր տղաներին, ապահովել նրանց շուտափույթ վերադարձը,
3. ձեռք բերել ԴՆԹ թեստավորման սարքեր,
4. շրջափակումից դուրս բերել զինվորական և քաղաքացիական անձանց,
5. շարունակել դիերի որոնման աշխատանքները:

«Այս հարցերին չի կարողացել հստակ պատասխանել, երեքշաբթի նորից այցելելու ենք վարչապետից ստանալու հարցերի պատասխանները»,- ֆեսբուքյան տեսանյութում ասում է Ս. Գալստյանը։