Ձեր վստահելի աղբյուրը

«Փաստորեն, արդեն ավանդույթ է դարձել՝ ամեն իմ ելույթից հետո ինձ ինչ-որ իրավապահ մարմին կանչում է բացատրություն տալու: Այս անգամ  խոսքը վերաբերում էր  ՀՔԾ-ի դիմաց իմ ելույթին»,- ՀՀ ոստիկանության քրեական հետախուզության գլխավոր վարչությունից դուրս գալով՝ լրագրողներին ասաց ՀՅԴ Հայաստանի Գերագույն մարմնի ներկայացուցիչ, Հայրենիքի փրկության շարժման համակարգող Իշխան Սաղաթելյանը:

Նա նշեց, որ որևէ պարզաբանում, բացատրություն չի տվել, որովհետև դրա անհրաժեշտությունը չկա. «Ինչ որ ասել եմ, ճիշտ եմ ասել,  շարունակելու եմ քաղաքական ելույթները:  Սա հայրենիքի փրկության պայքար է, նման մեթոդներով որևէ մեկը չի կարող լռեցնել, ոչ էլ պայքարից հետ պահել»:

Ի.Սաղաթելյանն ընդգծեց՝ իրենց պայքարը շարունավում է  բոլոր ուղղություններով:
«Բոլոր այն տեսակետները, կարծիքները, որ պայքարը կարող է մարել, նահաջել, մեկ անգամ ևս վստահեցնում եմ, որ  նման բան  պարզապես չի կարող տեղի ունենալ: Քանի այս չարիքի կառավարությունը գոյություն ունի, պայքարը  գնալով ավելի թեժանալու է, քանի որ  հայ մարդը չի կարող հանդուրժել այս չարիքի կառավարությունը: Րոպե առաջ պետք է հեռացնենք, որպեսզի կարողանանք կառուցել նորմալ երկիր:

Մեր պայքարի վճռականության վրա որևէ մեկը թող չկասկածի: Մենք ամեն ինչ անելու ենք հաղթանակի համար, քանի որ սա իշխանություն և ընդդիմություն պայքար չէ, սա չարիքի կառավարությանը հեռացնելու պայքար է, որպեսզի կարողանանք փրկել մեր հայրենիքը»,- ասաց ՀՅԴ-ական գործիչը:

Ի. Սաղաթելյանի խոսքով, այս դավաճանի՝ իշխանության ամեն րոպե ավելի մնալը կորուստ է մեր երկրի համար, պետականությունն այս տեմպերով կտանի կործանման:

«Ուզում եմ հստակ ընդգծել, որ ազգային աղետին այլևս հաջորդում է սոցիալ-տնտեսական աղետը, մեր երկիրը գտնվում է սոցիալ-տնտեսական կոլապիս մեջ, առաջիկայում լուրջ խնդիրներ ենք ունենալու նաև այս առումով:

Մեր պայքարն աննահանջ է, ամեն ինչ անելու ենք՝  մինչև Նոր տարի նա հեռանա, ու, իրոք, 2021 թվականն առանց Նիկոլ լինի: Եթե հանկարծ Նոր տարի մտնենք Նիկոլով, այդ գիշերվանից սկսած նույն վճռականությամբ շարունակելու ենք պայքրաը, որևէ բան չի փոխվելու»,- նշեց նա:

Հայրենիքի փրկության շարժման համակարգողի խոսքով, այսօր ևս տեղի են ունենալու անհնազանդության բողոքի ակցիաներ,  ամեն օր շարունակվելու են, Հանրապետության հրապարակում իրենց վրաններն ավելի են ամրացվելու, այնտեղ է  տեղափոխվելու նաև իրենց կենտրոնական շտաբը. «Ըստ էության, Հանրապետության հրապարակը լինելու է շարժման ղեկավարման կենտրոնը»:

Ի. Սաղաթելյանի խոսքով, ստացվել է մի իրավիճակ, երբ իշխանության քարոզչության, որոշների անմիջական մասնակցությամբ փորձում են իրենց պայքարը դարձնել իշխանություն և ընդդիմություն:

«Նիկոլը հրահրում է, որպեսզի սա դարձնի դասակարգային պայքար՝ էլիտա, ժողովուրդ, հներ, նորեր, նախկիններ: Երկար քայքայելուց հետո, հիմա մի նոր պրոցես է սկսել՝ էլիտա և ժողովուրդ: Այստեղ է, որ մեր հասարակության մի որոշակի կարևոր զանգված դեռ չի գիտակցում, որ սա իշխանության և ընդդիմության կռիվ չէ, երկիրը, պետականությունը փրկելու ծրագիր է:

Վստահ եմ՝ այն մեր քաղաքացիները, ովքեր ամբողջությամբ չեն գնահատում այս իրավիճակը, առաջիկա օրերեն պետք է հասկանան, գիտակցեն, միանան: Մենք 44 օրում կորցրել ենք բնակավայրեր, Սյունիքում լուրջ խնդիրներ ունենք, երկու կարևոր դիրք ենք զիջել, Կապան գնացող ճանապարհը թշնամու հսկողության տակ է, Որոտանը՝ տեսաք, Գեղարքունիքը՝ տեսաք: Սա է իրավիճակը: Ո՞նց կարող  է հայ մարդը լինել անտարբեր:

Հայաստանը չի հանդուրժելու այս չարիքի կառավարությունը, թույլ չի տալու, որ այս խելագարը մեր պետությունը տանի կործանման»,- նշեց նա:

Ի. Սաղաթելյանն ասաց, որ այս իրավիճակում ամեն օր կանչել ինչ-որ քննչական մարմին ինչ-որ բացատրություն տալու՝ ծիծաղելի է: Նրա գնահատմամբ, սա այս իշխանության  խղճուկ, ծիծաղելի ձեռագիրն է:

«Իմ տպավորությամբ իրավապահ մարմինները կրակն են ընկել այդ խելագարի ձեռքը:  Դժբախտաբար, որոշները շարունակում են կատարել նրա  ապօրինի հրամանները: Ափսոսում եմ մեր սպաներին, պատիվ, արժանապատվություն, կենսագրություն ունեցող այն սպաներին, ովքեր ստիպված են հանդուրժել կամ դեռ հանդուրժում են այս խելագարի ապօրինությունները:

Վստահ եմ՝ իրենք ամբողջությամբ գիտակցում են իրավիճակը, պարզապես ինչ-ինչ պատճառներով  շարունակում են դեռ կատարել իշխանության որոշումները, բայց ինչ-որ պահի կդադարեն, որովհետև իրենք էլ, իմ կարծքիով, գիտակցում են, թե մեր պետությունն ուր է գնում»,- ասաց նա:

Ինչ վերաբերում է ԱԱԾ նախկին տնօրեն Արգիշտի Քյարամյանին՝ հիմա էլ Քննչական կոմիտեի նախագալի տեղակալ նշանակելուն, Ի. Սաղաթելյանն ասաց, որ նախ պետք է պատասխանել, թե ինչու նա պատերազմի ծանր օրերին ազատվեց ԱԱԾ տնօրենի պաշտոնից, ինչ անելու կամ չանելու համար, ըստ այդմ էլ կարող են հասկանալ, թե ինչու են գործուղվել քննչական:

«Արգիշտի Քյարամյանն ընդամենը գործիք է, ժամանակին ուղարկել էին վերահսկողական ծառայություն մարդկանց գլխին բան սարքելու,  հետո ԱԱԾ՝ էլի բան սարքելու, ինչքանով ստացվեց, ինքչանով  ձախողեց,  չգիտեմ, հիմա էլ ուղարկել են քննչական: Սա է այս խելագարի իշխանությունը, բացատրություն չկա:

Այս մարդն ուզում է սրբություն չունեցող մարդկանցով շրջապատ իրեն, ուժեղացնել ուժայինները, որպեսզի երկրում ռեպրեսիաների միջոցով հաստատի դիկտատուրա:  Բայց չի հասկանում, որ իր ժամանակն ավարտվել է: Ինքը սպառված, ոչնչացված, այս երկիրը ծախած, դավաճանած մարդ է:

Ու բոլոր նրանք, ովքեր այս օրերին պաշտպանում են իրեն, կանգնում են իր կողքին, հավասար կիսում են պատասխանատվությունը, այսինքն իրենք արդարացնում են Արցախի հանձնումը, մեր պետականության կործանման ընթացքը: Պետք է հասկանան, գիտակացեն, րոպե առաջ հետ կանգնեն այս դավաճանի կողքին լինելուց ու աջակցելուց, որովհետ ինքն այդ ճանապարհով է գնում, փորձում է երկիրն էլ տանել այդ ճանապարհով»,- ասաց Իշխան Սաղաթելյանը: