Ձեր վստահելի աղբյուրը

19։30

Բողոքի ակցիայի մասնակիցները Հանրապետության հրապարակում են։ Այնտեղ խարույկ են վառել և կոչ են անում անցորդներին միանալ, տաքանալ։ Նրանք վանկարկում են՝ «Առանց Նիկոլ Հայաստան»։

19:05

«Եթե վարչապետը հրաժարական չտա, ուրեմն մենք պետք է ինքնասպան լինենք այս ամենից հետո»,- այս մասին ասում է բողոքի ակցիայի մասնակից, նախկին սպան։

Նա նշեց, որ իրեն հատկապես զայրացնում է սահմանազատումները։ «Ես չեմ հասկանում մեր սահմանազատումները ինչո՞ւ պետք է անենք GPS-ով, «Yandex» տաքսիի քարտեզով անեիք։ Մենք այսօր ունենք մասնագետներ, որոնք անտեսված են»,- ասաց սպան ու հավելեց․ «Ինչքան այդ մարդը (Նիկոլ Փաշինյանը՝ խմբ.) մնաց աթոռին նստած, այդքան տարածքներ ենք տալու»։

18:50

Քաղաքացիներն այս պահին փակում են աղբամաններով փակել Պուշկին-Մաշտոց խաչմերուկը։ Ոստիկանները թույլ չտվեց և սկսեցին բերման ենթարկել բողոքի ակցիայի մասնակիցներին, ինչպես նաև հրմշտելով սկսեցին բերման ենթարկել ակցիայի ամսնակից կանանց ու երիտասարդ աղջիկներին։

18։40

Քաղաքացիների մի խումբ էլ փակել է Սայաթ-Նովա-Աբովյան խաչմերուկը։ Մի քանի րոպե փակ պահելուց հետո ոստիկանությունը բռնի ուժով բացեց ճանապարհը։ Քաղաքացիները երթով շարժվեցին Օպերա։

18։30

Նիկոլ Փաշինյանի հրաժարականի պահանջով անհնազանդության ակցիաների շրջանակում քաղաքացիները բեռնատարներով փակել են նաև Սարալանջ տանող փողոցը։ «Այսօր մենք պայքարում ենք մեր արժանապատվության և ինքնասիրության համար»- հայտարարեց փողոցը փակած երիտասարդներից մեկը։ 

18:15

Երևանում մեկնարկել են Նիկոլ Փաշինյանի հրաժարականի պահանջով անհնազանդության ակցիաները։ 

Ակցիայի մասնակիցները փակել են Բաղրամյան պողոտան, երթևեկությունը կաթվածահար է եղել։

«Երեկ մենք տեսանք բողոքի ակցիայի ընթացքում ոստիկանության բռնի ուժի կիրառում։ Տղերք, չանեք ըտենց բան։ Էդ նույն ոստիկանին կբարևեմ ոնց որ ադրբեջանցուն՝ «սալամ ալեյքոմ»։ Հանկարծ չփորձեք նման կոպիտ ձևով վարվել մեր քաղաքացիների հետ»,- դիմելով ոստիկաններին՝ ասաց ճանապարհը փակած մասնակիցներից մեկը։ 

Միևնույն ժամանա ցուցարարների և այլ քաղաքացիների միջև ընդհարում տեղի ունեցավ։ Ակցիայի մասնակից Բաբկեն Հարությունյանը հորդորեց մասնակիցներին տեղի չտալ սադրանքներին։

«Այն, որ մինչև հիմա ունենք դավաճան վարչապետ, այո, սրա համար պատասխանատու են նաև քաղաքացիները։ Այն մարդիկ, որոնք սատարում են դավաճանությանը, դրա համար պատասխանատու են նաև նրանք»,- ասաց Հարությունյանը։ 

Նրա խոսքով, այստեղ էլիտան է ու այդ էլիտան պայքարում է իր երկրի համար։

«Էլիտան չի կարող հանդուրժել, որպեսզի ամեն օր նոր տարածքներ տրվեն թշնամուն, որ այսօր տեսնենք, թե ինչպես է ադրբեջանցին եկել Սևանի ափ հասել։ Դրա համար պայքարը շարունակելու ենք»,- նշեց նա։ 

Նշենք, որ ոստիկաններին հաջողվեց բիրտ ուժ կիրառելով բացել ճանապարհը։ Ակցիայի մասնակիցներից երկուսին էլ բերման ենթարկեցին։ Մնացածները սկսեցին քայլերթ փողոցներով։