Ձեր վստահելի աղբյուրը

«Բոլոր այն հրապարակային հանգամանքները, որոնք այսօր ի հայտ են գալիս, վկայում են, որ Փաշինյանի՝ ադրբաջանաթուրքական գործակալ լինելու իմ կասկածները ճիշտ էին»,- Armenian National Network  պորտալին տված հարցազրույցում հայտարարեց քաղաքագետ Հայկ Մարտիրոսյանը: 

Նա հնարավոր համարեց, որ թուրքական  և ադրբեջանական հատուկ ծառայութունները Փաշինյանին հավաքագրել են դեռևս մինչև վարչապետ դառնալը տարբեր կոնտակտների, զրույցների արդյունքում՝ նրան աստիճանաբար մշակելով:

«Նկատի ունենալով Փաշինյանի տերպետրոսյանական գաղափարները և համոզմունքները՝ կարծում եմ, որ թուրքական հատուկ ծառայությունները պետք է բայց չթողնեին այդպիսի ոսկին, այդպիսի մարդուն հավաքագրելու հնարավորությունը»,- հայտարարեց Հայկ Մարտիրասյանը:

Քաղաքագետը նաև հնարավոր է համարում, որ հավաքագրումը կատարվել է Ալիևի հետ բազմաժամյա հանդիպումներից մեկի ժամանակ, և պատահական չէ, որ Ալիևն ամենօրյա ռեժիմով ծաղրում է Փաշինյանին:

«Ալիևն ամեն օր նվաստացնում է, վիրավորում է նրան և վերաբերում է որպես աղբի, իսկ նա որևէ արձագանք չի տալիս»,- նկատում է Մարտիրոսյանը և եզրակացնում, որ Նիկոլ Փաշինյանը գումար է վերցրել և առևտրի բոլոր մասերը պարտավոր է իրականացնել, ինչով էլ բացատրվում է այն, որ ադրբեջանցիները Հայաստանի սահմանից  վերցնում է այն, ինչ ուզում են:

Քաղաքագետը գտնում է, որ  ԱՊՀ գագաթանժողովում և դրանից հետո Ալիևի արած հայտարարություններում չի թաքցնում, որ իրենց համար նախընտրելի չէ Փաշինյանի հեռանալը, քանի որ դեռ խնդիր ունեն իր հետ լուծելու:

«Ամենավտանգավոր խնդիրը և ամեն բան գնում է նրան, որ պատրաստվում է մեկ այլ փաստաթուղթ, միգուցե «Իմ քայլը» դավաճանների խմբակն այդտեղ պաշտոնապես մասնակցություն կունենա, որը կլինի Ադրբեջանի սահմանների, տարածքային ամբոջականության ճանաչումը՝ այս կամ այն ձևակերպմամբ, որը ապագայում Հայաստանին միջազգայնորեն կզրկի ռևանշի գնալու և  սեփական հողերը՝ ներառյալ բռնազավթված Արցախը թշնամուց ազատագրելու համար»,- հայտնեց Մարտիրոսյանը

Նրա խոսքով, 1994 թվականի Հայաստանի դավաճանական իշխանությունները հաղթանակը կիսատ թողեցին և ստորագրեցին պարտվողական զինադադար, որից հետո պարտվողականություն ներմուծեցին մարդկանց մեջ՝ նրանց նախապատրաստելով հողերի վերադարձին. Այն, ինչ հայկական կողմը չարեց 1994 թվականի, այսօր ամենաբարձր մակարդակով և որակով անում է թուրքական տանդեմը:

Գումարով հայրենիք ծախելու համար, ըստ քաղաքագետի, պետք է գտնվեր տրամաբանությունից դուրս գործողություններ կատարող, որին լիովին համապատասխանում է Նիկոլ Փաշինյանը, որը ունի հոգեկան առանձնակի հիվանդություն՝ սոցիոպատիա: Նկատելով որ այն հայտնի հիվանդություն է և աշխարհում շատ լիդերներ կան, որոնք սոցիոպատներ են, բայց երբևէ պատմության մեջ չի եղել մի նման ղեկավար, որը գումարով վաճառի երկիրը:

«Մասնավորապես վերջին հարյուրամյակի երկու սոցիոպատները՝ Իոսիֆ Սատալինը և Ադոլֆ Հիտլերը չեն համագործակցել թշնամու հետ և չեն հանձնել իրենց երկրները թշնամուն»,- նկատեց Մարտիրոսյանը:

Անդրադառնալով նախօրեին հրապարակված ՀԱՊԿ-ի փաստաթղթին՝ քաղաքագետը հայտնեց, որ այն ապացութում է տեղի ունեցած  պլանավորված դավաճանությունը, որ ամեն ինչ արվել է, որպեսզի պատերազմ սկսվի և դրանից հետա հայկական բանակը, ժողովուրդն ու պետությունը պարտություն կրեն:

Հարցազրույցն ամբողջությամբ՝  սկզբնաղբյուրում։