Ձեր վստահելի աղբյուրը

«Սա համառ և հետևողական պայքար է, գործ ունենք կազմակերպված դավաճանական գործողության հետ` հանդեպ Հայաստանի և հայ ժողովրդի: Սա մեկ անձի կամ մի քանի անձի խնդիր չէ»,- Ազգային ժողովի դիմաց լրագրողների հետ զրույցում ասաց ՀՅԴ-ական Արծվիկ Մինասյանը, որն այլ քաղաքական ուժերի և քաղաքացիների հետ  մասնակցում է բողոքի ակցիային: 

Նրա խոսքով, Հայաստանի դեմ ուղղված համակարգային և ցանցային պայքարի բացասական հետևանքները տեսնում են բոլորը՝ 5000-ից ավելի զոհեր, բազմահազար խեղված ճակատագրեր, տնավեր դարձած հայրենակիցներ, անհետ կորած և գերեվարված քաղաքացիներ:

«Շատերին, այդ թվում իշխանության մեջ եղած մարդիկ, ովքեր չեն գիտակցել, թե ինչպիսի կազմակերպված հանցագործության մասին է խոսքը, դեռ վերաիմաստավորման փուլում են: 
Այս ակցիայի նպատակն է ևս մեկ անգամ «Իմ քայլի» պատգամավորներին հիշեցնել, որ իրենք երդում են տվել, որի կենտրոնական խոսքերից են՝ Հայաստանի ինքնիշխանության և հայ ժողովրդի  շահերի պաշտպանությունը: Եկել է ժամանակը, իրենք պարտավոր են այս երդմանը տեր լինել:

Դա նշանակում է՝ պաշտոնանկ անել դավաճանին ու հնարավորություն տալ դավաճանական ողջ ցանցը բացահայտել, առանց դրա հնարավոր չէ Հայաստանի հետագա զարգացումը:

Դավաճանի և  նրա ցանցի մեջ լինելը խարան է, պետականության դեմ ուղղված հանցագործություն է, որ պատմությունը երբեք չի ներել ու չի ներելու: Պատմության մեջ կմնան  հայ ժողովրդի մեծագույն թշնամիներ ու դավաճաններ»,- ասաց Ա. Մինասյանը:

Ինչ վերաբերում է Փաշինյանի երեկվա հարցազրույցին, մասնավորապես՝ նա կրկին սլաքներն ուղղում էր նախկին իշխանություններ, ՀՅԴ-ական գործիչն ասաց. «Պետք է դադարել լսել նրան: Ադեկվատ չէ, իրավիճակին չի տիրապետում, չի հասկանում: Նրա համար ամեն ինչ պտտվում է  իր սոսնձված աթոռի շուրջ: Անիմաստ է նրան լսել, որևէ ողջամիտ խոսք ընկալել: Առավել ևս՝ ինչ խոսել է, ուղիղ հակառակն է  արել, ստել է, խաբել է, ժողովրդին ծանրագության փորձառության առաջ է կանգնեցրել, պարտության է մատնել Հայաստանն ու Արցախը:

Դավաճանությունը շարունակվում է,  ցավոք սրտի: Երեկ երբ լսում էի, ինձ թվում էր՝ Իլհամ Ալիևն է հայերեն արտահայտվում, Նիկոլի կերպարանքը ստացած: Ինչ խոսում էր, խոսում էր թուրք-ադրբեջանական շահերից, դիրքերից: Մի նախադասություն չկար Հայաստանի ու հայ ժողովրդի շահերի պաշտպանության  տեսակետից: Անգամ հող, դիրք հանձնելը, մարդկանց թուրքական,  ադրբեջանական քմաաճույքին հանձնելը նա սրիտակայաբար ներկայկացնում է  որպես անվտանգության մոտեցում:

Երկրորդ սկզբունքային հարցը՝ ո՞ւր է  հասել մարդը, որ կեղծելով ու  իրավական տգիտություն թույլ տալով՝ փորձում է ադրբեջանիցներին հաճոյանալ, հայ ժողովրդին խաբել, որ եթե  մենք դրանք չհանձնեինք, պատերազմ էր սկսվելու: Բա դու ինչի՞ համար ես:

Դրա համար ենք ասում՝ քանի Փաշինյանը կա,  պատերամզը կամ հող հանձնելն անխուսափելի է»:

Ա. Մինասյանի խոսքով, երեկվա հարցազրույցում Փաշինյանը բացել է դավաճանական շարունակակականության մի փոքր հատվածը ու դրանից հետո Հայաստանի անվտագության ուժերը, դատախազությունը, ԶՈւ-ն, ԱԱԾ-ն պարտավոր են այլևս գործել, քանի որ բացահայտ մարդն ասում է՝  տվել եմ, հատուկ պարտվել եմ ու շարունակելու եմ տալ:

«Հիմա այս վիճակն է: Հաճախ են հարցեր հնչում՝ այս վիճակում ի՞նչ անել: Չափազանց կարևոր է, որ մեր անվտանգության ամբողջ համակարգին սթափեցնելով  հանդերձ՝ կասեցնել այս մարդու հետագա ընթացքը, ձերբակալել, կալանավորել, որպեսզի  հետո կարողանաս բացահայտել ամբողջ ցանցը, որպեսզի նոր իշխանությունը  հնարավորություն ունենա  բացահայտել հայ ժողովրդի դեմ իրականացված և շարունակվող թշնամական գործողությունները»,-ասաց Մինասյանը։

Նա կրկնեց՝ սա իշխանություն- ընդդիմություն պայքար չէ, հայ ժողովրդի պայքարն է իր անկախության, փրկության, սուվերենության համար. «Ի՞նչ ընդդիմություն: Ընդդիմությունը ովքե՞ր են: Ժողովո՞ւրդն է ընդդիմություն: Նա է մղում դեպի այս դաշտ: Չկա նման բան: Հիմա հայ ժողովրդի ընդդիմությունը իրենք են:  Սա հայ ժողովրդի  փրկության շարժումն է, պայքարն է»:

Ա. Մինասյանը նշեց, որ հերթական ստահակությունն է, երբ իրենից դժգոհողներին  նա չափում է, թե քանի մարդ է եկել ցույցին:

«Ինքը շատ լավ գիտի, ծանոթ է սոցիոլոգիական հարցերումներին, ԱԱԾ-ի իրականացրած հարցումներին, բացահայտ ասում են՝  պետք է հեռանաս վայրկյան առաջ: Այս պայմաններում, եթե Հայաստանում բոլոր ինստիտուտները  չանեն իրենց գործառույթները, դավաճանությունը շարունակելու է: Այնպես որ, որ սա հայ ժողովրդի ազատագրական շարժումն է:

Փաշինյանն այլևս ի վիճակի չէ ոչ հույս, ոչ հավատ, ոչ վստահություն ներշնչել:  Անհրաժեշտ է, որ  մարդիկ ապագայի նկատմամբ տեսնեն հավատ, որպեսզի արտագաղթ չլինի, ներդրումներ լինեն, բանակը վերակառուցվի,  անվտանգության  համակարգերը ուժեղացվեն:

Ոչ թե մեր պահանջն է, որ Նոր տարին դիմավորենք առանց Փաշինյանի, այլ դա բխում է  հայ ժողովրդի սկզբունքային խնդիրներից»,- ասաց ՀՅԴ-ական Արծվիկ Մինասյանը: