Ձեր վստահելի աղբյուրը

«Քառյակ մեդիայի» հիմնադիր, ընդդիմադիր գործիչ Միհրան Հակոբյանի կարծիքով, միայն անասունները կարող են մտածել ու ասել, որ Արցախի հողերը նախկինները քսան տարի առաջ արդեն տվել էին Ադրբեջանին։

«Շատ կներեք, բայց սա անասունի խոսակցություն է, և այս անասնական խոսակցության մեջ մտնելն ինձ ուղղակի պատիվ չի բերում»,- այսօր հրավիրված ասուլիսում ասաց նա։

Ըստ ընդդիմադիր գործչի, եթե չլիներ ՌԴ-ն, ապա Նիկոլ Փաշինյանը Վայոց Ձորն էլ էր տալու։ Նա հիշեցրեց, որ կա ձայնագրություն, որում լսվում է՝ ինչպես է Բելառուսի նախագահ Ալեքսանդր Լուկաշենկոն ՀՀ երրորդ նախագահ Սերժ Սարգսյանին խորհուրդ տալիս հինգ մլրդ դոլարի դիմաց Արցախի հողերը զիջել։

«Եվ Սերժ Սարգսյանը պետականամետ ցինիզմով մերժել է այդ առաջարկն՝ ասելով, որ ինքը վեց միլիարդ կտա, ու թող Ալիևը հրաժարվի այդ հողերից։ Մենք ունենք փաստ, որ Սերժ Սարգսյանին առաջարկվել է, ինքը մերժել է։ Եվ Սերժ Սարգսյանը Նիկոլ Փաշինյանին թողել է Արցախ՝ յոթ շրջաններով։ Եվ  իշխանափոխությունից 2.5 տարի անց եղել է պատերազմ ու Նիկոլ Փաշինյանի ապաշնորհության, անտաղանդության հետևանքով մեր 5000 տղաներն են մահացել, չկա Արցախը, չկան 7 շրջանները։ Հիմա մենք կարո՞ղ ենք ենթադրել, որ Նիկոլ Փաշինյանը այդ 5 միլիարդը վերցրել է»,- նկատեց Միհրան Հակոբյանը։

Նրա խոսքով, եթե մարդկանց թվում է, որ կարող են այսպիսի աղետ բերել ժողովրդի գլխին, իսկ դրանից հետո մի հատ կլողանան, կանցնի, իրենք չարաչար սխալվում են։

Քաղաքական գործիչը վստահեցրեց՝ եթե չգտնվեն լուծումներ իրավական պետության համատեքստում, ապա դրա այլընտրանքը կլինի մեկ այլ՝ շատ դաժան ճանապարհ. համաշխարհային պատմությունն ունի փաստեր, որ դա վերջանում է շատ դաժան ճակատագրով։

«ՀՀ վարչապետը, կապիտուլյացիան ստորագրելուց հետո մտնում է ուղիղ եթեր և ասում է, որ ՀՀԿ-ի, ԲՀԿ-ի, «Հայրենիք» կուսակցության նկատմամբ լինելու է քաղաքացու վրեժ։ Հարց է առաջանում՝ դու վարչապե՞տ ես, թե՞՝ իսկապես նախրապետ ես։ Քեզ դրել ես նախրչու տեղ, մարդկանց տանում ես էս ու էն կողմ։ Ոնց մարտի մեկը կազմակերպեց..., եթե չլիներ «Մարտի մեկ», որպես քաղաքական գործիչ Նիկոլ Փաշինյանն ո՞ւմ դռան շունն էր։ Դրանով չդարձա՞վ քաղաքական գործիչ, արյունով չեկա՞վ։ Ես նորից եմ ասում Նիկոլ Փաշինյանի կողքին մնացած փոքրաթիվ անուղեղներին, եթե ձեզ թվում է, թե կարող եք պլստալ, չարաչար սխալվում եք։ Նիկոլ Փաշինյանը կարող է անձնապես պլստալ, իսկ իրենք այդ հնարավորությունը չեն ունենալու»,- ասաց նա։

Միհրան Հակոբյանի խոսքով, հայ ժողովուրդը «Նեմեսիս» անելու հնարավորություն ունի։

«Շատ հետաքրքիր է, որ «Նեմեսիսի» շրջանակում ոչնչացվել են բոլոր այն դավաճան հայերը, որոնք նպաստել են թուրքական իշխանությունների կազմակերպած ցեղասպան  գործողություններին։ Նիկոլ Փաշինյանն ու իր փոքրիկ շրջանակն ունեն հետևյալ հնարավորությունները՝ կա՛մ գնում են իրավական պետության ճանապարհով և դատվում են, կա՛մ թող նստեն ու սպասեն, թե այդ դավաճանական ակտերի հետևանքով տեղի ունեցած խայտառակ պարտության ընթացքում երեխա կորցրած ծնողը ոնց է վարվելու իրենց հետ։ Նիկոլ Փաշինյանի համար ամենաանվտանգ տեղը լինելու է բանտը։ Եթե նա փախավ ինչ-որ մի տեղ, փոխեց սեռն ու մազերի գույնը, այդպես գիշերներն էլ չի քնելու, անընդհատ սպասելու է զոհվածների ծնողներին»,- նշեց Միհրան Հակոբյանը։