Ձեր վստահելի աղբյուրը

Նիկոլ Փաշինյանի՝ ավիացիայի հարցով նախկին խորհրդական Հակոբ Ճաղարյանը գրում է.

«Արմնյուզին տրված Երեկվա հարցազրույցումս որոշ բաներ չհասցրեցի ասել:

Նախ պետք է ասեմ, որ ֆինանսական չարաշահումների մասին հայտնածս տեղեկությունները մանրամասն զեկուցագրով ներկայացրել եմ վարչապետ Փաշինյանին:

Իլ-76 օդանավի կասկածելի գործարքի մասին ևս 2 ճանապարհով տեղեկություն եմ փոխանցել նրան: Թեկուզ վաղուց չէի աշխատում կառավարությունում, բայց հանդիպել եմ Փաշինյանի օգնական Նաիրի Սարգսյանին, և ներկայացրել ողջ իրողությունը:

Մի քանի օր անց նույն տեղեկությանը ծանոթացրել եմ ԱԻՆ փոխնախարար, ՔՊ վարչության անդամ Արմեն Փամբուխչյանին:
Երկու դեպքում էլ ցույց եմ տվել հնարավոր կոռուպցիոն սխեմաները, որոնց առկայությունում ես վայրկյան իսկ չեմ կասկածում:

Եթե, իհարկե, օդանավի գնորդը աշխարհի ամենամիամիտ բարերարը չի:
Եվ առաջարկել եմ մինչև պատերազմի ավարտը կարգի բերել այս գործարքի ֆինանսական մասը:
Որովհետև ես թույլ չեմ տա իմ թալանված երկրի թալանը, նամանավանդ  պատերազմի օրերին: Եվ հետամուտ եմ լինելու այս գործարքի բացահայտմանը:

Եվ չհասցրի ասեմ, որ փոխվարչապետ Ավինյանի գործունեությունն ավիացիայի ոլորտում  դիտարկում եմ որպես կանխամտածված դիվերսիա պետության դեմ, իսկ ՔԱԿ նախագահին` որպես հանցագործ գործիք և դիվերսիայի անմիջապես իրագործող»։