Ձեր վստահելի աղբյուրը

ԱԺ «Լուավոր Հայաստան» խմբակցության ղեկավար Էդմոն Մարուքյանն այսօր այցելել է Սյունիքի մարզ, հանդիպել մի քանի համայնքապետերի։

«Հանդիպեցինք Մեղրիի քաղաքապետ Մխիթար Զաքարյանի և նրա տեղակալի հետ, լսեցինք համայնքի խնդիրները և առաջարկները, որոնցով պարտադիր պետք է զբաղվենք։

Մեղրին ինձ համար հատկապես հարազատ վայր է, քանի որ այստեղ է անցել իմ զինվորական ծառայությունը, Մեղրու սահմանային դիրքերում անցել եմ մարտական հերթապահություն։
Անպայման հետամուտ եմ լինելու Մեղրիի անվտանգային խնդիրների լուծմանը»,-գրել է Մարությանը։

Ավելի վաղ նա տեղեկացրել էր Կապանի քաղաքապետ Գևորգ Փարսյանի հետ հանդիպման մասին։

«Մանրամասն քննարկեցինք վերջին շրջանի մարտահրավերները և դրանց դիմակայելու մեր հաստատակամությունը: Մեր հանդիպման արդյունքում քննարկված գաղափարները կդառնան օրենսդրական նախաձեռնություններ ու կառավարության որոշումների առաջարկներ»,-նշել էր նա։

Ավելի վաղ ԱԺ պատգամավորը հայտնել էր, որ այսօր Սյունիքում հանդիպումներ կունենա և ևս մեկ անգամ տեղում կծանոթանա իրավիճակին: Այցի արդյունքներով առաջարկությունների փաթեթ կներկայացվի համապատասխան մարմիններին: