Ահռելի քանակությամբ զինամթերք ոչնչացվել է հենց պահեստներում, բավական մեծ թվով զոհեր ենք ունեցել զորանոցում․ Արթուր Ղազինյան
«Պետք է որոշակի իրավական գնահատական տալ մեր ռազմաքաղաքական ղեկավարության գործողություններին, բայց ոչ պակաս կարևոր է, որ մենք կարողանանք ձևավորել իրավաբանների խումբ, որը կկարողանա նաև հավաքագրել փաստերն ու իրավական գնահատական տալ հակառակորդի ռազմաքաղաքական ղեկավարության գործողություններին՝ իրենց հնարավոր միջազգային քրեական պատասխանատվության ենթարկելու հարցերը բարձրացնելու համար»,- ասաց ՀՀ Սահմանադրական դատարանի նախկին անդամ, ՄԻԵԴ-ում ՀՀ նախկին ներկայացուցիչ Ալվինա Գյուլումյանը՝ «Ազգային աղետ և վերածնունդ. իրավական բաղադրիչը» խորագրով մասնագիտական խորհրդաժողովում «Արցախյան երկրորդ պատերազմի ընթացքում ՀՀ ռազմաքաղաքական ղեկավարության արարքների, պետական դավաճանության հանցակազմի համատեքստում»։
Բանախոսներից «Մեկ Հայաստան» կուսակցության ղեկավար Արթուր Ղազինյանը նշեց, որ պետական դավաճանության մասին խոսվում է վերջին 50-60 օրերեին գրեթե ամեն օր, որը պետք է ստանա քրեաիրավական գնահատական, հավելելով, որ պետական դավաճանությանմասին առաջին հաղորդումը ներկայացրել է նոյեմբերի 25-ին, որում ներառված էր վերջին երկու տարիներին ՀՀ ռազմաքաղաքական ղեկավարության գործողությունների փաստագրական ամբողջ համադրությունը։
Ղազինյանը ներկայացրեց, ինչպես ինքն ասաց, պետական դավաճանության այն էպիզոդները, որոնք մինչ այժմ այնքան չեն քննարկվել․ առաջինը ռազմական դրություն հայտարարելու մասին որոշումն է, որը տեղի ունեցավ պատերազմի առաջին ժամերին, փոխվեցին օրենքներ, տուգանքներ սահմանվեցին նրանց նկատմամբ, որոնք պաշտոնականից տարբերվող տեղեկատվություն կտրամադրեին, ինչպես նաև քրեորեն հետապնդելի դարձավ ռազմական դրության ժամանակ հանրահավաքներ անցկացնելը։
«Այս ամբողջը եղել է պլանավորված, կանխամտածված գործողությունների ամբողջություն, որի նպատակն էր անշեղորեն ավարտին հասցնել իրենց մոտ նախկինում ծրագրված պատմական մասշտաբի պետական դավաճանությունը»,-ասաց Արթուր Ղազինյանը։
Ղազինյանը նշեց, որ պետության հրապարակած քարտեզի հիմքով նշել էր ահռելի տարածքային կորուստների մասին, ինչը դարձել է ԱԺ-ու հատուկ քննարկման առարկա, սպառնացել են քրեական պատասխանատվությամբ։
«Երկրորդը մի նոր դրվագ է, որ պետք է առանձին քննության առնվի, այն է, թե եղել է արդյոք երեք անգամ ռազմական հետախուզության կողմից պաշտոնական տեղեկացում՝ պատերազմը սկսվելու օրվա և ժամի վերաբերյալ, թե ոչ, քանի անգամ է հետախուզության կողմից ներկայացված տվյալը զեկուցվել գլխավոր շտաբ ու քաղաքական ղեկավարությանը։ Սա շատ էական է, քանի որ ըստ առկա տեղեկատվության, պատերազմը սկսվելու օրվա և ժամի վերաբերյալ տեղեկատվության հիմքով Հայաստանում հայտարարված է եղել թիվ մեկ մարտական դրություն, ինչը բերել է նրան, որ զորանոցից դուրս է բերվել ամբողջ զորքը և զինապահեստներից դուրս է բերվել զինամթերքը, քանի որ դրանք հայտնի վայրեր են խոցման համար ու անմիջապես թշնամու առաջին թիրախում են հայտնվում։ Մինչդեռ՝ ի տարբերություն ՀՀ-ի, Արցախում թիվ մեկ դրությունը հանվել է ավելի շուտ, ինչը պետք է ստուգվի վարույթ իրականացնողի կողմից, ինչի հետևանքով զորանոցում են մնացել զինվորներ, զինամթերքը դուրս չի բերվել։ Ըստ առկա տեղեկատվության, ահռելի քանակությամբ զինամթերք ոչնչացվել է հենց պահեստներում՝ պատերազմի մի քանի ժամվա ընթացքում, բավական մեծ թվով զոհեր ենք ունեցել զորանոցում։ Զինվորներն ուղղակի քնած են եղել»,-ասաց Ղազինյանը, հավելելով, որ տեղեկատվության դեպքում, սա ռազմական հանցագործություն է։
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
