Իմ երկիրը փորձանքի մեջ է ու ես անձնական ցավ ունեմ. ԱՀԿ ղեկավարը՝ Եթովպիայի Տիգրայի հակամարտության մասին
ՄԱԿ-ի Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսը, որն ամենաբարձրաստիճան տիգրացին է, օրերս խոսել է «անձնական ցավի» մասին․ իր հայրենիք Եթովպիայում մոլեգնող, սրվող հակամարտության մասին: Այս մասին գրում է Al Jazeera-ն։
«Բացի COVID-ից, 2020 թվականը շատ դժվար էր ինձ համար, քանի որ իմ երկիրը փորձանքի մեջ է», - ասել Գեբրեյեսուսը։
Նա նշել է, որ շատ հարազատներ ունի անհանգիստ տարածաշրջանում, «այդ թվում՝ իմ կրտսեր եղբայրը, և ես չգիտեմ, թե որտեղ են նրանք»:
«Ասես COVID-ը բավարար չէ, ես այդ անձնական ցավն էլ ունեմ։ Ես անհանգստանում եմ ամբողջ երկրի համար։ Ես չեմ կարող անհանգստանալ միայն իմ կրտսեր եղբոր կամ իմ հարազատների համար, քանի որ իրավիճակը վատթարանում է», - ասել է ԱՀԿ ղեկավարը:
Անցյալ տարվա Խաղաղության Նոբելյան մրցանակի դափնեկիր, Եթովպիայի վարչապետ Աբի Ահմեդը նոյեմբերի 4-ին զորքեր մտցրեց Տիգրայի հյուսիսային շրջան՝ ասելով, որ գործողությունը պատասխան է տարածաշրջանային կառավարող կուսակցության՝ Տիգրայի ժողովրդական ազատագրական ճակատի կողմից դաշնային բանակի ճամբարների վրա ենթադրյալ հարձակումներին ( TPLF):
Տիգրայը Եթովպիայի ինը շրջաններից մեկն է։ Այն հյուսիսում սահմանակից է՝ Էրիթրեայի, արևմուտքում՝ Սուդանի, արևելքում՝ Աֆարի, իսկ հարավում՝ Ամհարայի շրջանի հետ: Այն ունի 5մլն-ից ավել բնակչություն։
Միջազգային ճգնաժամային խմբի հետազոտական կենտրոնի տվյալներով, Տիգրայի մարտերը հանգեցրել են հազարավոր զոհերի և տասնյակ հազարավոր փախստականներ անցել են Սուդանի սահմանը:
Եթովպիան սահմանափակում էր ԶԼՄ-ների մուտքը հակամարտությունից տուժած տարածաշրջան, և Տիգրայը հաղորդակցման շրջափակման մեջ է, քանի որ հակամարտությունը մոլեգնում է դաշնային և տարածաշրջանային ուժերի միջև:
Հակամարտությունը սկսվել է 2020թ․-ի նոյեմբերին, երբ Եթովպիայի վարչապետ Աբի Ահմեդը փորձեց հեռացնել երկրի քաղաքականությունը էթնիկ ֆեդերալիզմից, որը տարածաշրջանային ազդեցություն էր տալիս առանձին էթնիկ խմբերին՝ միաձուլելով Եթովպիայի ժողովրդական հեղափոխական ժողովրդավարական ճակատի էթնիկ և տարածաշրջանային կուսակցությունները, որը 30 տարի ղեկավարում էր Եթովպիան՝ դառնալով համապետական «Բարգավաճում» կուսակցություն:
TPLF-ը, որը Եթովպիայի ներսում գտնվող ռազմական և քաղաքականապես հզոր սուբյեկտ է ու ներկայացնում է ընդհանուր բնակչության 6% -ը, հրաժարվեց անդամակցել նոր կուսակցությանը և պնդեց, որ Աբի Ահմեդը դարձել է ոչ լեգիտիմ կառավարիչ՝ տեղափոխելով 2020 թ. օգոստոսի 29-ին նշանակված ընդհանուր ընտրությունները COVID-19-ի պատճառով անորոշ ժամկետով 2021-ին:
TPLF-ը անցկացրեց տարածաշրջանային ընտրություններ Տիգրայում` 2020-ի սեպտեմբերին, իսկ դաշնային կառավարությունը Տիգրայի ընտրությունները հայտարարեց անօրինական: Իրավիճակը վերաճեց բռնության նոյեմբերի 4-ից։
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
