Ձեր վստահելի աղբյուրը

«Հայաստանում բոլորը խոսում էին քաղաքականությունից: Բայց ես հետաքրքիր բան եմ նկատել, որ խոսելով քաղաքականության մասին՝ մարդիկ խոսում են ապաքաղաքական լուծումների մասին, որովհետև կա մի միտք, որին անդրադառնալու եմ այսօր՝ Հայաստանը բացարձակ ապաքաղաքական երկիր է»,- «Requiem/7. Քաղաքականության մահը. ցավը իմաստավորելու համար պետք է երազանք»  տեսանյութում ասում է Սուրբ Աթոռում ՀՀ նախկին դեսպան Միքայել Մինասյանը։

Նա հիշեցնում է, որ մի անգամ գրել է՝  Վազգեն Մանուկյանը  Նիկոլ Փաշինյանի և իմքայլականների վերջին հույսն է։

«Վազգեն Մանուկյանը Նիկոլ Փաշինյանի փրկօղակն է, քանի որ Մանուկյանը քաղաքական մարդ է, դրա համար իր քայլերից ժողովուրդը դժգոհ է։

Վազգեն Մանուկյանը փորձում է  կատաղած շան դեմ, որը Նիկոլ Փաշինյանն է,  որին ուղղակի պետք է քարերով սատկացնել, պայքարել քաղաքական մեթոդներով,, որովհետև Վազգեն Մանուկյանն իր ամբողջ կենսագրությունով պետական և քաղաքական մարդ է, նրա ուղեղում չկա ապաքաղաքական պայքարի միջոց։ Հույս ունեն, որ Վազգեն Մանուկյանի քաղաքական պայքարը կստացվի, բայց երբ տեսնենք, որ քաղաքական պայքարը անհնար է ապաքաղաքական միջավայրում, ապա սկսվելու է իրական պայքարը, իրական կյանքի պայքարը, քանի որ Հայաստանում անհնար է պայքարել քաղաքական մեթոդներով մի միջավայրում, որտեղ չկա քաղաքականություն։

Հայաստանում չկա, մահացել է, սպանել են քաղաքականությունը։ Քաղաքական երկրներում, եթե լիներ այն, ինչ եղավ Հայաստանում, քաղաքական, քաղաքակիրթ ձևով կփոխվեր իշխանությունը, իշխանությունը կգնար։  Քաղաքական և քաղաքակիրթ երկրներում, եթե իմանային մեր իմացածի 10 տոկոսը, կձերբակալեին դավաճաններին, կաշառակերներին, բայց դա տեղի չունեցավ, քանի որ Հայաստանում գոյություն չունի քաղաքականություն։

Նիկոլ Փաշինյանը երբեք չի եղել քաղաքական գործիչ, սովորական, վատ, գիժ, մեղքերով լի  շանտաժիստ է։ Հիշում եք՝ ապաքաղաքական ու ապասահմանադրական ձևով եկավ իշխանության, ասաց՝ կամ ես կլինեմ Հայաստանի վարչապետ կամ Հայաստանը վարչապետ չի ունենա։ Հիմա շարունակում է  նույն ոճով, ասում է՝ կամ կմնամ Հայաստանի վարչապետ կամ Հայաստան չի լինի։ Դրա համար նա հանձնում է Հայաստանը, ինքը մնում է, Հայաստանը զրոյանում է։ Դրա դեմ քաղաքական պայքար չկա։ Դրա համար, այսպես կոչված կուսակցությունների, բայց իրականում ազգային փրկության ճակատի, գործունեությունն անարդյունավետ է, որովհետև գալիս են ու առաջարկում են քաղաքական, նորմալ մեթոդներ կատաղած  շներին, որոնք հասկանում են միայն ծեծուջարդ»,- նշում է Մ. Մինասյանը։

Նախկին դեսպանի խոսքով, ՀՀ-ում չկա քաղաքականություն, ՀՀ-ին սպառնում է անարխիա, պետք է վերականդանացնել, նոր կյանք տալ քաղաքականությանը, բայց այն դեպքում, երբ քաղաքակություն սպանողներին քաղաքականապես սպանենք։

Միքայել Մինասյանն ընդգծում է՝ Փաշինյանը լավ կառավարիչ չէ, վատ կառավարիչ էլ չէ, Փաշինյանը ստեղծել է աղետ, և քանի որ դա արել է հրապարակային, հետևողական, անթաքույց, շարունակում է  դա անել, Փաշինյանը թշնամի կառավարիչ է։

«Որտեղ կա թշնամությունը, բացակայում է քաղաքականությունը, թշնամու դեմ չես կարող պայքարել քաղաքական, քաղաքակիրթ ձևերով։ Թշնամու հետ պետք է վարվել ինչպես վարվում են թշնամիների հետ։ Փաշինյանն իրականացրեց և իրականցում է մեր թշնամիների ծրագրերը։ Հայաստանն ու հայ ժողովուրդը պաշտոնապես ունի երկու թշնամի՝ Ադրբեջանը և Թուրքիան։ Փաշինյանն իրականացնում է նրանց ծրագրերը։ Նրանց համար լավ կառավարիչ է, մեզ համար թշնամի կառավարիչ է»,- ասում է նա։

Մ. Մինասյանը կրկնում է՝ Հայաստանում չկա քաղաքականություն. «Բայց կան մարդիկ, որոնք ուզում են քաղաքականության հովանու ներքո պլստալ։ Եվ այդ մարդը Նիկոլ Փաշինյանն է, փորձում է քաղաքականացնել անքաղաքականությունը, որովհետև այսօր մենք խոսում ենք կյանքի, մահի, մեր հողի մասին, փրկելու ու փրկվելու մասին, պատժելու և մեր մեջ արժանապատվությունը վերգտնելու մասին, գերիների ու կորած մարմինների վերադարձի մասին, թաքնված մահերի ու պղծված գերեզմանների մասին, արժանապատվության և երազանքների մասին։ Այդ ամենը ապաքաղաքական է, կյանքի մաս է, երբ դա ունենանք, կխոսենք քաղաքականության մասին»։

Միքայել Մինասյանն ասում է, որ ստեղծված իրավիճակում ինքը հստակ մոտեցում ունի. «ՀՀ-ում չպետք է լինեն ընտրություններ՝ մինչև չտրվի քաղաքական, բարոյական և ամենակարևորը՝ քրեական գնահատական այն գործընթացներին, որոնք տեղի են ունեցել 2018-ից մինչև օրս, որովհետև դրանք լի են պետական, ազգային դավաճանություններով։
Երբ քաղաքականությունը կվերականգնվի, կսկսվի քաղաքական գործընթացը, որը ընտրություններն են»:

Նրա խոսքով, Նիկոլ Փաշինյանը սովորական ընտրություն կեղծող է, ինքը դա շատ լավ գիտի. «Նիկոլ Փաշինյանը սովորական շանտաժիստ է, սովորական ընտրակեղծարար է, դավաճան ու մարդասպան է։ Հետևաբար Նիկոլ Փաշինյանն ու ընտրությունը չպետք է իրար հետ հանդիպեն»:

Սուրբ Աթոռում նախկին դեսպանը նշում է, որ Նիկոլ Փաշինյանը իշխանության եկավ շանտաժով, շանտաժով է վարել արտաքին ու ներքին քաղաքականությունը, հիմա շանտաժով պահում է իր թիմին. «Նիկոլ Փաշինյանը շատ լավ տեսնում է, որ իր թիմը պայթելու եզրին է: Կան  մարդիկ, որոնք հասկանում են՝ ինչ է կատարվում, նրանց պիտակավորում են, մեղադրում են, նրանք չեն ուզում Նիկոլի հետ շարունակել գնալ դեպի գերեզման, անդունդ։ Բայց նրանց պահում է, որովհետև բոլորի վրա ունի շանտաժային նյութեր: Երբ նա դարձավ վարչապետ, առաջին բանը, որ պահանջեց, դոսյեներն էր այն մարդկանց, որոնք ԱԱԾ ագենտներ էին և որոնց հետ ինքն առնչվում էր: Ուրիշ բառերով, պահանջեց ԱԱԾ-ից, որ զեկուցեն, թե ովքեր են իր շրջապատում ագենտներ:

ԱԱԾ ղեկավարությունը հրաժարվեց տրամադրել, մինչ այսօր չի տվել, սակայն ԱԱԾ-ում կային, կան թուլամորթ սպաներ միջին օղակից, որոնք փոխանցել են Նիկոլ Փաշինյանին այդ ողջ փաթեթները: Դրանից հետո Նիկոլ Փաշինյանը կանչել է այդ մարդկանց, դրել այդ փաթեթները նրանց դեմ և ասել՝ տեսնում ես, որ ես գիտեմ, քեզ խայտառակ կանեմ, քեզ կհանեմ ազգի, պետության դավաճան, կամ էլ ժամանակավոր մոռանում ենք սրա մասին՝  մոռացի հայրենիքի, արժանապատվության մասին ու ծառայի ինձ:

Նիկոլ Փաշինյանն այս 2,5 տարվա ընթացքում հավաքեց մի մեծ կոլեկցիա, որովհետև իմքայլականները մինչև կոկորդ մխրճվեցին կոռուպցիայի մեջ, Նիկոլ Փաշինյանն աչք էր փակում, բայց ինֆորմացիան հավաքում էր»:

Մ. Մինասյանի ասում է, որ  կան բազմաթիվ քրեական գործեր, որոնք կամ ընթացքում են, կամ նյութեր են նախապատրաստվում, կամ փաստերը կան. «Օրինակ, քրեական գործ կա փոխվարչապետ Մհեր Գրիգորյանի վրա, և այդ պատճառով Մհեր Գրիգորյանը փորձեց աշխատանքից ազատվել, սակայն Նիկոլն ասաց՝ կդատեմ, և Մհեր Գրիգորյանը, քանի որ նաև վախկոտ է, չգնաց այդ քայլին»։

Ըստ նրա, քրեական գործ կա Սուրենի Պապիկյան վրա, որովհետև նա միայն մեկ գործարքից 450 միլիոն դրամ փող է վերցրել,  նույնիսկ «կորած» աներձագ Հրաչի վրա, Հակոբ Սիմիդյանը, DJ Էդոն, երեքով անցնում են քրեական գործով, որովհետև Նիկոլ Փաշինյանի առանձնատունը ժողովրդի հաշվին վերանորոգելով 210 միլիոն դրամ ատկատ էր մնացել:

«Նիկոլ Փաշինյանը հանձնարարել է ԱԱԾ-ին և այս 2,5 տարիների ընթացքում դոսյեներ են կազմվել ԱԺ «Իմ քայլի» պատգամավորների վրա, և բոլոր նրանք, ովքեր ուզում են գնալ, Նիկոլը կանչում է ու ասում ՝ այս դու չե՞ս այս կինոյում, դե գնա ու խելոք սպասի, թե ինչ պետք է անես: Նիկոլ Փաշինյանը պատիժ է նաև նրանց համար»,- նշում է Մ.Մինասյանը։

Ըստ նախկին դեսպանի, Արայիկ Հարությունյանն է այդ խայտառակ շանտաժների մարմնավորումը. «Երբ Նիկոլ Փաշինյանը շանտաժով դարձավ վարչապետ, Արայիկ Հարությունյանը Արարատ Միրզոյանի միջոցով իր ծառայություններն առաջարկեց նրան: Արարատ Միրզոյանը բանակցեց և հայտնեց Նիկոլ Փաշինյանին, որ ինքը գտել է նոր ստրուկ: Իսկ Արայիկ Հարությանյանը վախենում էր, որ Նիկոլ Փաշինյանն իր թալանը կհանի ջրի երես»:

Նա պատմեց, որ Հռումում գաղտնի բանակցություն է եղել Արայիկ Հարությունյանի ու Արարատ Միրզոյանի միջև, և այդ հանդիպման երաշխավորը եղել է շատ հայտնի սփյուռքահայ բարերար:

«1,5 տարի առաջ եղել է մեկ այլ հանդիպում, որին ներկա են եղել Նիկոլ Փաշինյանը, Արայիկ Հարությունյանը, Արարատ Միրզոյանն ու Արցախի ԱԱԾ նախկին տնօրեն Կամո Աղաջանյանը: Այդ չորսը խոսել են Նիկոլ Փաշինյանի ներկայացրած ծրագրի շուրջ, Նիկոլ Փաշինյանը պատմել է Արայիկին, թե ինչի տակ պետք է նրանք մտնեն և ինչ է լինելու իր պատկերացմամբ Արցախը, պատմել է այն, ինչ տեղի է ունեցել այսօր:

Ես գիտեմ, որ դա անհավատալի է, սակայն, ասում են՝ վերջին 1 տարվա ընթացքում Արայիկ Հարությունյանն ու Կամո Աղաջանյանը վաճառել են բոլոր բիզնեսները, որոնք պատկանում էին իրեն կամ իրենց առնչվող անձնավորություններին, որոնք  գտնվում էին Ջաբրայիլում, Ֆիզուլիում և ամենակարևորը՝ Հադրութում: Հադրութի շրջանի այգիները կես գնով վաճառվել է երրորդ անձանց, նույնիսկ Արայիկ Հարությունյանը օգնել է, որ մարդիկ գտնեն ֆինանսավորում բանկերի ու հիմնադրամների միջոցով»:

Զուգադիպությո՞ւն է։ Կարող է։ Բայց ես չեմ հավատում զուգադիպությունների, հավատում եմ դավաճանական ծրագրերին, որոնք իրականացվեցին մեր բոլորի աչքի առաջ»,- ասում է Միքայել Մինասյանը։

Մանրամասն՝ տեսանյութում։