Ձեր վստահելի աղբյուրը

«Այսօր պետք է որոնողական աշխատանքների համար մտնեին և ողջերի համար, և զոհվածների մարմինների համար: Նախապես ասում էին, որ ողջերի որոնման համար 2 խումբ պետք է գնա, հետո դարձավ մեկ խումբ, իսկ այսօր ոչ մի խումբն էլ չի գնացել, միայն զոհվածների համար են գնացել»,-ֆեյսբուքյան տեսանյութում ասում է անհետ կորած զինծառայողի հորեղբայրը՝ Արսեն Ղուկասյանը:

Նրա խոսքով, խաղաղապահների շտաբում դա բացատրել են՝ քանի որ այսօր երկու երկրների ԱԱԾ տնօրենները պետք է հանդիպեն նոր ձևաչափեր որոշելու, ծավալը մեծացնելու, խմբերի քանակն ավելացնելու համար, դրա համար այսօր այդ խմբերը դուրս չեն գա:

«Այստեղ հարց է ծագում, ի՞նչ կապ ուներ այսօրվա մտնելը ձեր այսօրվա հանդիպումի հետ: Թող մտնեին, ման գային, այդ նոր պայմանավորվածությունը ձեռք բերեիք. ընդլայնում էիք, լավ էիք անում, բայց ի՞նչն է խնդիր առաջացնում: Արա, ես չեմ կարողանում հասկանամ, ժողովուրդ ջան, նիուժելի մեր ղեկավարների մեջ մի նորմալ բանակցություն վարող չկա, որ բանակցության արդյունքը մի փոքր էլ մեզ ձեռք տա: Գնում,  բանակցում, մի նոր բան են հորինում են, ասում են՝ այս է պատճառը: Հետո, ինչքա՞ն: Ինչքան գնացին բանակցեին, մենք օգուտ չունեցանք, մինուս եղանք: Չկա մի հարց, որ մեր ուզածով լուծվի:

Խելռցրիք արա, սենց չի լինի: Այսօր ԱԱԾ պետն է հանդիպում ունենալու, վաղը վարչապետը, այն մի օրը Պողոս առաքյալը, այն մյուս օրը սև շուն բարակ թուլեն: Իտոգում մեր երեխեքին այնտեղ կոտորեն, վերջում էլ ասեն՝ էլ մարդ չունեք: Ի՞նչ եք ուզում մեզանից, ամեն օր մի բան հորինում եք, արա, այս ի՞նչ կարգին պարապած մուտիլովշիկների հավաքածու է հավաքվել այդտեղ»,- վրդովված ասաց նա:

Ա. Ղուկասյանի խոսքով, Արցախում զորամասեր կան, ինչ-որ խաղեր են տալիս. «Ժողովորդ, գործարքների մեջ մի մտեք դրանց հետո: Հեսա կիմանանք՝ ովքեր են այդ խաղեր տվողները»:

Նա կոչ արեց անհետ կորած զինծառայողների ծնողներին դիմել փաստաբանների, հայցեր ներկայացնել, դատի տան բոլորին. «Թող գործը քննեն ամենախիստ ձևերով, որ հասկանան վերջապես՝ ով, ով է: Թե չէ մինչև հիմա մարդասպանները ջիպերով կայֆավատ են լինում, երեխեքն էլ այնտեղ կոտորվում են, արա: Չեք կարողանում բանակցություններ վարեք, ուրիշներին դիմեք, ովքեր կարողանում են»,- ասում է Ա. Ղուկասյանը: