Ձեր վստահելի աղբյուրը

Չինացի գիտնականները պարզել են կորոնավիրուսային վարակի ամենատարածված երկարատև ազդեցությունները:  Ռիա նովոստիի հաղորդմամբ, նրանց աշխատանքի արդյունքները հրապարակված են The Lancet- ում:

Ուսումնասիրությունն անցկացվել է հաստատված COVID-19 ունեցող հիվանդների շրջանում, ովքեր դուրս են գրվել հիվանդանոցից 2020 թվականի հունվար-մայիս ամիսների ընթացքում: Վարակվածների միջին տարիքը 57 տարեկան է, ուսումնասիրության 1733 մասնակիցների  52 տոկոսը արական սեռի ներկայացուցիչներ են եղել:

«Վարակման սուր փուլից վեց ամիս անց հիվանդները հիմնականում դժգոհում էին հոգնածությունից կամ մկանների թուլությունից (վերականգնվածների 63% -ը), քնի հետ կապված խնդիրներից (26%), անհանգստությունից կամ դեպրեսիայից (23%)», - ասված է հետազոտության մեջ:

Գիտնականները նշել են, որ մարդիկ, ովքեր ունեցել են ծանր կորոնավիրուսային վարակ, ունեն թոքերի դիֆուզիոն կարողության ավելի լուրջ խանգարում և երկարաժամկետ վերականգնման կարիք ունեն:

ԱՀԿ վերջին տվյալների համաձայն, աշխարհում գրանցվել է 87,5 միլիոն SARS-CoV-2 վարակ,  1,9 միլիոնը մահացել է: Դեպքերի մեծ մասը՝ 21,4 միլիոն, գրանցվել է Միացյալ Նահանգներում, որին հաջորդում են Հնդկաստանը և Բրազիլիան: