Ձեր վստահելի աղբյուրը

Հանգստում գտնվող ռուս Ուղղափառ եկեղեցու եպիսկոպոս, Համայն Բելառուսի պատվավոր պատրիարքական էկզարխ Ֆիլարետը մահացել է 86 տարեկան հասակում: Այդ մասին «ՌԻԱ Նովոստի»-ին հայտնել է Մոսկվայի պատրիարքարանի արտաքին եկեղեցական կապերի բաժնի պետի տեղակալ, վարդապետ Նիկոլայ Բալաշովը:

Մահվան պատճառը չի նշվել, բայց ավելի վաղ լրատվամիջոցները գրել էին, որ Ֆիլարետը հիվանդացել է COVID-19- ով:

Ֆիլարետը (աշխարհիկ անունը՝ Կիրիլ Վախրոմեև) ծնվել է 1935 թվականի մարտի 21-ին Մոսկվայում: 1990 թվականի հունվարի 31-ից մինչ 2013 թվականի դեկտեմբերի 25-ը Բելառուսի Ուղղափառ եկեղեցու առաջնորդն էր:

2009-ին Ռուսաստանի Ուղղափառ եկեղեցու եպիսկոպոսների խորհուրդը Ֆիլարետին ընտրեց Մոսկվայի պատրիարքական գահի թեկնածու: Սակայն Տեղական խորհրդի նիստում նա հրաժարվեց այդ կարգավիճակից՝ համակիրներին հորդորելով քվեարկել Սմոլենսկի և Կալինինգրադի մետրոպոլիտ Կիրիլի օգտին, որն էլ հետագայում դարձավ պատրիարք:

Նրա օրոք Բելառուսում վերակենդանացվեցին բոլոր պատմական թեմերը, վերսկսեցին գործել տղամարդկանց և միանձնուհիների վանքերը: Ֆիլարետը օգնեց վերակենդանացնել Մինսկի հոգևոր ճեմարանը և հիմնեց Մինսկի հոգևոր ակադեմիան, հոգևոր դպրոցը:

Հիերարխը պարգևատրվել է «Հայրենիք» III աստիճանի շքանշանով, «Ժողովուրդների բարեկամություն», «Պատվո», «Ֆրանցիսկ Սկորինա», Հայրենիքի հանդեպ Ռուսաստանի վաստակի IV աստիճանի շքանշանով և այլն: 2006-ին նրան շնորհվել է Բելառուսի հերոսի կոչում: