Ձեր վստահելի աղբյուրը

«Բաքվում և Երևանում, հունվարի 11-ին Մոսկվայում կայացած Ռուսաստանի, Հայաստանի և Ադրբեջանի ղեկավարների եռակողմ բանակցությունների արդյունքները տրամագծորեն հակառակ գնահատական ստացան:

Ադրբեջանում հանդիպումը համարվել է արդյունավետ, քանի որ պայմանավորվածություն է ձեռք բերվել տարածաշրջանում տնտեսական և տրանսպորտային կապերի ապաշրջափակման վերաբերյալ: Հայաստանում ընդդիմությունը մեղադրեց վարչապետ Նիկոլ Փաշինյանին թույլ կամքի և դիրքերի մեկ այլ հանձնման մեջ։ Հայ հասարակության մեջ գերիների վերադարձը համարվում է գերխնդիր, բայց փոխարենը բանակցություններում քննարկվում էր տնտեսական օրակարգը, որի վրա պնդում էր Ադրբեջանը»,- այս մասին գրում է «Կոմերսանտ»-ը:

Նշվում է, որ հանդիպմանը պայմանավորվածություն է ձեռք բերվել երեք երկրների փոխվարչապետերի գլխավորությամբ աշխատանքային խումբ ստեղծելու մասին, որը կզբաղվի «տարածաշրջանում բոլոր տնտեսական և տրանսպորտային կապերի ապաշրջափակումով»:

Խոսքը վերաբերում է երկու հիմնական ուղղություններին։ Առաջին, սա միջանցքն է Ադրբեջանի հիմնական մասից դեպի անկլավ Նախիջևան, որը պետք է անցնի Հայաստանի Սյունիքի մարզով: Եվ երկրորդ, Երևանից դեպի նույն Սյունիքի մարզ տանող երկաթգիծը, որն անցնում է Նախիջևանի միջով: Երկու երթուղիները ակտիվորեն օգտագործվում էին Խորհրդային Միության ժամանակներում, բայց Լեռնային Ղարաբաղի հակամարտության սկիզբով դրանք դադարեցին գոյություն ունենալ, գրում է «Կոմերսանտ»-ը։

Նշվում է, որ այս տրանսպորտային ուղիների փակման պատճառով ժամանակին տուժեց նաև Ռուսաստանը: Երբ վրաց-աբխազական հակամարտության արդյունքում Ռուսաստանից գնացքների տեղափոխումը Վրաստան անհնար դարձավ, Հայաստանը կորցրեց ամենահուսալի ուղին դեպի իր գլխավոր դաշնակից, իսկ Ռուսաստանը` կապը Թուրքիայի երկաթուղիների հետ:

Արդյունքում, Հայաստանի երկաթուղիները փաստացիորեն կրճատվեցին՝ կապելով Երևանն ու Թբիլիսին, իսկ Ռուսաստանից ապրանքները կարող են տեղափոխվել միայն վրացական մայրուղով, որը պարբերաբար փակ է եղանակային պայմանների պատճառով:

Նշվում է, որ Իրանի հետ տնտեսական կապերի ընդլայնումը կարող է լուրջ օգնություն դառնալ Հայաստանի համար, բայց դա մինչ այժմ հնարավոր չէր, հաշվի առնելով, որ երկրները կապվում են միայն մեկ լեռնային ճանապարհով:

«Այսպիսով, Մոսկվայում ստորագրված փաստաթուղթը տեսականորեն պետք է շահեկան լինի բոլոր երեք կողմերին. Ադրբեջանին պետք է ճանապարհ դեպի Նախիջևան և Թուրքիա, Ռուսաստանին՝ Թուրքիա և Հայաստան, իսկ Հայաստանին՝ Ռուսաստան և Իրան: Բայց բանակցություններից հետո միայն Իլհամ Ալիևը դե ֆակտո հաղթական զգաց: Նիկոլ Փաշինյանն իր խոսքում շեշտը դրեց ոչ թե ձեռքբերումների, այլ չլուծված հարցերի` առաջին հերթին Բաքվի` Լեռնային Ղարաբաղի կարգավիճակը քննարկելը չցանկանալու, ինչպես նաև ռազմագերիների ճակատագրի վրա»,-գրում է «Կոմերսանտ»-ը։