Ձեր վստահելի աղբյուրը

«Ձեթի շուկայում արևածաղկի և եգիպտացորենի համաշխարհային գներն են աճել, կորոնավիրուսի պատճառով Ռուսաստանում պահեստավորման հավաքման խնդիրներն են եղել և գինը բարձրացել է»,-ԱԺ տնտեսական հարցերի մշտական հանձնաժողովի նիստում հայտնեց Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը:

Անդրադառնալով շաքարի շուկային՝ Գևորգյանը տեղեկացրեց, որ այնտեղ հանձնաժողովը տուգանքներ է կիրառել դեմպինգ իրականացնելու համար:

Նա հայտնեց, որ հանձնաժողովը ապրանքի թանկացման հետ կապ չունի, բայց ձեթի, ալյուրի, շաքարի, բենզինի և կարագի շուկաներում ուսումնասիրություններ են իրականացնում, քոնի որ այդ ապրանքների մասով կենտրոնացվածությունը մեծ է: 

Հանձնաժողովի նախագահը հավաստիացրեց, որ այդ պաշտոնում իր նշանակումից հետո գերիշխող դիրքի չարաշահումների համար նախատեսված պատիժների վարույթների քանակն էականորեն աճել է:

Գևորգյանը նաև հայտնել է, որ չի եղել դեպք, երբ քաղաքացու կամ գործունեություն ծավալող քաղաքական որևէ անձի որևէ բողոք ապացուցվի, իսկ հանձնաժողովի նախաձեռնությամբ և բուն տնտեսվարվողների կողմից ներկայացված բողոքների հաստատման դեպքեր շատ են եղել: