Ձեր վստահելի աղբյուրը

ՌԴ ՊՆ դաշտային հիվանդանոցում ռազմական բժիշկները բուժօգնություն են ցուցաբերել Մարտակերտի շրջանի բնակիչներին: Այդ մասին տեղեկատվություն է տարածել ՌԴ ՊՆ-ն:

Ռուսաստանի խաղաղապահ զորախմբի բուժանձնակազմը Մարտակերտ քաղաքում գտնվող ՌԴ ՊՆ դաշտային հիվանդանոցում օգնություն են ցուցաբերել տեղի ավելի քան 250 բնակչի:

Արցախի քաղաքացիների ընդունելությունը ՌԴ ՊՆ մասնագետների կողմից իրականացվում է Ստեփանակերտում և Մարտակերտում տեղակայված դաշտային հիվանդանոցներում: Շարժական բժշկական թիմերը ամբուլատոր օգնություն են տրամադրում հեռավոր բժշկական կետերում:

Հոսպիտալի գործունեության մեկնարկից ի վեր Արցախի ավելի քան 1200 բնակիչ ստացել է որակյալ բժշկական օգնություն, այդ թվում՝ 157 երեխա:

Բոլոր դիմած քաղաքացիները շարժական հիվանդանոցում որակավորված թերապևտների, վիրաբույժների և այլ մասնագետների կողմից հետազոտվելուց հետո ստացել են խորհրդատվություններ և անհրաժեշտ նշանակումներ:

Տեղի բնակիչների գանգատները, որպես կանոն, կապված են տարբեր քրոնիկ հիվանդությունների, սրտանոթային և էնդոկրին համակարգերի հիվանդությունների սրացման և ստոմատոլոգիական բժշկական օգնության ապահովման հետ:

ՌԴ խաղաղապահ ուժերի բժշկական ստորաբաժանումներում աշխատում են ավելի քան 60 բժիշկ-մասնագետներ, այդ թվում` ռազմական վիրաբույժներ, անեսթեզիոլոգ-վերակենդանացման մասնագետներ, թերապևտներ և համաճարակաբաններ:

Բացի այդ, ռուս խաղաղապահների բժշկական ստորաբաժանումներում ստեղծել են բազմաֆունկցիոնալ բժշկական խմբեր` Արցախի հեռավոր բնակավայրերում ռազմական բժիշկների դաշտային աշխատանքն ապահովելու համար: