Ձեր վստահելի աղբյուրը

Մոսկվայի քաղաքային դատարանը նախօրեին կրկին չի կարողացել երդվյալների կոլեգիա ընտրել՝ նրանց մասնակցությամբ քննելու Խաչատուրյան ավագ քույրերի գործը, որոնք մեղադրվում են իրենց  հոր սպանության մեջ։ Այս մասին ՏԱՍՍ-ին հայտնել է աղջիկներից մեկի փաստաբան Ալեքսեյ Լիպցերը։

Սա երդվյալներ ընտրելու հինգերորդ փորձն էր։ Ավելի վաղ ընտրությունը տեղի չէր ունեցել քույրերից մեկի մոտ կորոնավիրուսային վարակի կասկածի պատճառով:

«Աղջիկների գործով երդվյալների ընտրությունը հետաձգվել է մինչև հունվարի 29-ը, քանի որ երեկվա նիստին ընդամենը 10 հոգի էին եկել ընտրելու համար, ինչը քիչ է պահանջվող նվազագույն թվից», - ասել է պաշտպանը:

Մոսկվայում 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին՝  դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել,  որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին դատարանը  փոխել էր  Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։ Ավելի ուշ քույրերն ազատվել էին նաև էլեկտրոնայիան շղթայից: