Վիտալի Բալասանյանն իր սրբազան պարտքն է համարում ծառայել երկրին ու ժողովրդին
Արցախի Հանրապետության Անվտանգության խորհրդի քարտուղար Վիտալի Բալասանյանը մեկնաբանել է Արցախի «Արդարություն» կուսակցության հետ ունեցած այժմյան հարաբերությունները:
«Արցախի անվտանգության խորհրդի քարտուղար Վիտալի Բալասանյանի և Արցախի քաղաքական դաշտի ընդդիմադիր հատվածում դիրքավորված «Արդարություն» կուսակցության հարաբերությունների մասին հատկապես վերջին շրջանում տարբեր ու իրարամերժ տեղեկություններ են շրջանառվում: Շատերը հիշում են, որ Վիտալի Բալասանյանն ամիսներ առաջ կայացած ընտրություններում գլխավորում էր «Արդարության» պատգամավորի թեկնածուների ցուցակը և նախագահական ընտրություններում էլ առաջադրվել էր այդ կուսակցության կողմից: Այսօր Բալասանյանն իշխանության կարևոր օղակներից մեկի պատասխանատուն է, իսկ «Արդարությունը» շարունակում է նույն հետևողականությամբ քննադատել իշխանությանը»,- նշում է Արցախի Հանրային հեռուստաընկերությունը՝ ներկայացնելով Վ.Բալասանյանի մեկնաբանությունը:
«Այնպես, ինչպես մնացած քաղաքական ուժերը, «Արդարություն» կուսակցությունն ունի իր ռազմավարությունն ու քաղաքական կուրսը:
Ինձ բարոյական իրավունք չեմ վերապահի որևէ քաղաքական ուժի կամ կուսակցության ստիպեմ, պարտադրեմ շեղվել այդ քաղաքական կուրսից, կարող եմ կարծիք արտահայտել»,- նշում է Վ.Բալասանյանը:
Նրա խոսքով, մինչև ընտրություններն իր և նորաստեղծ «Արդարություն» կուսակցության ծրագրերը համարյա համընկել էին. «Երբ ես հստակ իմ համաձայնությունն եմ տվել Արցախի Հանրապետության Ազգային ժողովի և նախագահի ընտրություններին մասնակցելու վերաբերյալ, կուսակցությունն առաջադրել է իմ թեկնածությունը:
Ես ղեկավարել եմ «Արդարության» ընտրացուցակը: Արդյունքում կուսակցությունը, առաջին անգամ մասնակցելով ԱԺ ընտրություններին, այսօր ունի 3 հոգանոց խմբակցություն: Խորհրդարանի ձևավորումից հետո «Արդարություն» խմբակցությունն իրեն հայտարարել է ընդդիմություն՝ առայսօր պահպանելով իր կուրսը»:
Վ.Բալասանյանն իր սրբազան պարտքն է համարում երկրին ու ժողովրդին ծառայելը, առավել ևս այն ժամանակ, երբ երկրում ծանր իրավիճակ է. «Երբ Արցախի նախագահը հայտարարեց և ձեռք մեկնեց քաղաքական բոլոր ուժերին, ես առաջիններից մեկն էի, որ արձագանքել եմ: Կցանկանայի Արցախում ապրող յուրաքանչյուր քաղաքացի մեր ժողովրդին ու երկրին ծառայելը իր սրբազան պարտքը համարի»:
Հարակից հրապարակումներ`
- Ադրբեջանը, խախտելով պայմանավորվածությունները, իրենց դիրքերն առաջ են տանում ԼՂ-ում. Վիտալի Բալասանյան
- Վիտալի Բալասանյան. Արցախում ուժեղացվելու են հակաահաբեկչական միջոցառումները
- Վիտալի Բալասանյան. Իհարկե, կարող էինք խուսափել պատերազմից
- Վիտալի Բալասանյան. Լինելու է սահմանների ճշտում
- Արցախի նախագահը իշխանությունը փաստացի հանձնեց ԱԽ քարտուղար Վիտալի Բալասանյանին. Ղազինյան
- Վիտալի Բալասանյանը նշանակվել է Արցախի Անվտանգության խորհրդի քարտուղար
- «Հրապարակ». Վիտալի Բալասանյանը՝ Արցախի դե ֆակտո ղեկավար
- Դառնացած եմ... Պատասխան եք տալու միանշանակ. Վիտալի Բալասանյան
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
