Ձեր վստահելի աղբյուրը

Կառավարության այսօրվա նիստի օրակարգը քննարկելիս աշխատանքի և սոցիալական հարցերի նախարար Մեսրոպ Առաքելյանն առաջարկեց չքննարկվող «Հանրային հատվածի կազմակերպությունների հաշվապահական հաշվառման մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագծին հավանություն տալու և անհետաձգելի համարելու մասին նախագիծը, դարձնել քննարկվող, քանի որ պարզաբանելու հարցեր կան:

«Ավելի շատ խոսքը գնում է նրա մասին, որ բաց են թողնված ժամկետնրը,  ավելի շատ բան պետք չի լինելու փոխել այս քննարկման ընթացքում»,- պարզաբանեց ֆինանսների նախարար Ատոմ Ջանջուղազյանը:

Վերջինիս հավաստիացմամբ՝ Մեսրոպ Առաքելյանը ընդամենը հայտնել է, որ նախագիծը կարևոր է և օրենքով նախատեսված բոլոր ժամանակահատվածներում պետք է իրականացվեն պատրավորությունները:

Մեսրոպ Առաքելյանը հաստատեց, որ Ջանջուղազյանի հետ քննարկել են հարցը և խնդիրը հենց ժամկետների մեջ է:

Ջանջուղազյանը նկատեց, որ օրենքն ԱԺ-ում առաջին ընթերցմամբ ընդունվել է, երկրորդ ընթերցումը համընկել է 4-րդ նստաշրջանի հետ, դրա համար էլ տեխնիկական պատճառով հայտնվել է կառավարության նիստի օրակարգում, ուստի քննարկելու հարց չկա:

Կառավարության աշխատակազմի ղեկավարին հանձնարարվեց աշխատանքային քննարկում անել, իսկ հարցը պետք չէ զեկուցել:

Նախագծին կցված հիմնավորման մեջ ասվում է .« 2015 թվականի դեկտեմբերի 6-ին ընդունված ՀՀ Սահմանադրության փոփոխությամբ, ինչպես նաև «Պետական կառավարման համակարգի մարմինների մասին» ՀՀ օրենքի և «Կառավարչական իրավահարաբերությունների կարգավորման մասին» ՀՀ օրենքի պահանջներին համապատասխանելու նպատակով անհրաժեշտություն է առաջացել ոլորտում լիազոր մարմնի (ՀՀ ֆինանսների նախարարություն) մի շարք իրավական ակտերի ընդունման իրավասություններ, որոնք ներկայումս սահմանված են ենթաօրենսդրական իրավական ակտերով (օրինակ` ՀՀ ֆինանսների նախարարի 2014 թվականի հոկտեմբերի 24-ի «ՀՀ հանրային հատվածի հաշվապահական հաշվառման ստանդարտը հաստատելու մասին» թիվ 725-Ն հրամանով), սահմանել Օրենքով:

Մասնավորապես, այդ իրավասությունները ներառում են հողամասերի և շենքերի վերագնահատման անցկացման ժամկետների և մեթոդաբանության, նյութական ակտիվը որպես հիմնական միջոց դասակարգելու նվազագույն արժեքի, նոր հիմնական միջոցների և սկզբնական արժեքով հաշվառվող կենսաբանական ակտիվների մաշվածության հաշվարկման նորմատիվային օգտակար ծառայության ժամկետների, կազմակերպու-թյունների դեբիտորական պարտքերի հնարավոր կորուստների պահուստի ձևավորման, դեբիտորական պարտքերի անհուսալի ճանաչման, դուրսգրման և հաշվապահական հաշվառման մեջ արտացոլման կարգի հաստատումը»։