Ձեր վստահելի աղբյուրը

«Մենք իսկապես պետք է խնդրենք, որ Վազգեն Մանուկյանը Նիկոլ Փաշինյանից հետո ժամանակավոր կառավարությունը ղեկավարի»,- այսօր մշակույթային գործիչների, իրավաբանների գիտնականների հավաք-քննարկման ժամանակ ասաց ՀՀ արվեստի վաստակավոր գործիչ, կոմպոզիտոր Երվանդ Երզնկյանը:

Նա նշեց, որ դեռ մոտ 6 ամիս առաջ էլի մարդիկ խոսում էին որոշ իրավիճակներից, էլի հարցնում էին՝ «ո՞ւմ ես դու տեսնում Նիկոլից հետո», որին ի պատասխան ինքն ասել է՝ ով էլ գա, նրան պետք է շատ խնդրեն, որ գա, որովհետև որևէ նորմալ մարդ չի վերցնի այս փլուզված համակարգը:

Երվանդ Երզնկյանի խոսքով, պետք է ծայրահեղական չլինել, գնալ համախմբման ճանապարհով, անգամ համոզել պատգամավորներին, որպեսզի հնարավոր լինի հասնել Նիկոլ Փաշինյանին անվստահություն հայտնելու գործընթացին:

«Անվանի մարդիկ այս գործընթացներին պետք է մասնակցեն, դա էլ պայքարի ձև է, պետք չէ իրենց վախեցնել»,-ասաց նա:

Ըստ կոմպոզիտորի, պետք է ավելի ճկուն լինել և պայքարին ներգրավել շատերին:
«Կարծում եմ՝ նախնական քննարկումները պետք  է անել փակ ֆորմատով, այնուհետև հանրայնացնել անելիքների հետ կապված որոշումները»,- եզրափակեց խոսքը Երվանդ Երզնկյանը։