Ձեր վստահելի աղբյուրը

Առնվազն 86 ոստիկան վիրավորվել է Նյու Դելիում երեքշաբթի օրը ֆերմերների բողոքների ժամանակ տեղի ունեցած բախումների արդյունքում: Այս մասին գրում է «ՏԱՍՍ»-ը ՝ վկայակոչելով քաղաքի ոստիկանության աղբյուրներին:

Ոստիկանությունը նաև հայտնել է, որ կոտրվել են ութ ավտոբուսներ՝ այդ թվում ոստիկանության մեքենաներ, և 17 մասնավոր տրանսպորտային միջոցներ:

Իր հերթին, ինչպես «ՏԱՍՍ»-ին հայտնել են ցուցարարները, բողոքող ֆերմերներից ավելի քան 20-ը շարունակում են մնալ ծանր վիճակում հիվանդանոցներում:

«Ավելի քան 20 հոգի լուրջ վնասվածքներ է ստացել: Հիվանդանոցից ասում են, որ ոմանք գտնվում են ծանր վիճակում», - ասել է Կարմիր բերդի ցուցարար Հիրա Սինգը:

Այսօր առավոտյան ոստիկաններն արդեն 15 գործ են հարուցել՝ կապված ֆերմերների իրականացրած ակցիաների հետ, որոնց պատճառը սեպտեմբերի ամսին ընդունված գյուղատնտեսական օրենքներն են։