Բոլորդ Նիկոլ եք դարձել՝ սթրինգ հագած Նիկոլ, դասալիք Նիկոլ. կին ցուցարար

Քաղաքական 18:27 28/01/2021 Հայաստան

Բոլորդ Նիկոլ եք դարձել՝ սթրինգ հագած Նիկոլ, դասալիք Նիկոլ. կին ցուցարար

Իշխանությունները հանրահավաքի մասնակիցներից կառավարության շենքը պաշտպանելու համար ներգրավել էր ոստիկանության պարեկային և հատուկ ջոկատային ստորաբաժանումների մեծ թվով ծառայողներ, որոնք ուժ կիրառեցին շենքին մոտեցող ցուցարարների հանդեպ:

Մինչ այդ հավաքի կազմակերպիչ Արշակ Զաքարյանը հանրահավաքին ներկա մտավորականներին խնդրեց իրենց ուղեկցել Կառավարության շենք, քանի որ նրանք խաղաղ ցույց են անում և բախումների նպատակ չեն հետապնդում:

Ոստիկանները ուժի գործադրմամբ ցուցարարներին հեռու տարան կառավարության շենքից, և բերման ենթարկեցին մի քանի ցուցարարի:

Նշենք նար, որ Նիկոլ Փաշինյանի աշխատասենյակի պատուհանի տակ ակցիա անող քաղաքացիները «թուրք» էին վանկարկում։

Հանրահավաքի մասնակիցների առաջին շարքում գտնվող կանանցից մեկը խնդրեց բարձրախոսը և դիմեց ոստիկաններին: Նա հայտարարեց, որ ոստիկանները Թուրքիայի կառավարության շենքն են պաշտպանում և հիշեցրեց, որ 2008 թվականին, երբ ցուցարաները ոստիկաններին ծեծում էին՝ Նիկոլ Փաշինյանը հայտարարում էր, որ իր սիրտը փառավորվել է, իսկ այս պատերազմի ժամանակ ոստիկանությանը տարել է Շուշի և կոտորել այնտեղի Մշակույթի տան շենքում:

Դիմելով փողոց դուրս չեկող քաղաքացիներին՝ կինը հայտարարեց. «Բոլորդ Նիկոլ եք դարձել՝ սթրինգ հագած Նիկոլ, դասալիք Նիկոլ, ու սպասում եք, թե մենք այստեղ երբ կհաղթենք»:

Ոստիկանության ներկայացուցիչը հավաքի մասնակիցներից պահանջեց դադարեցնել այն, քանի որ հավաքի խաղաղ, բնականոն ընթացքը խաթարվել է և բռնության կոչեր են հնչել:

Հավաքի կազմակերպիչները հայտնեցին, որ մասնակիցները քիչ էին, դրա համար էլ պարտվեցին ոստիկաններին, կոչ արեցին հետևել իրենց հայտարարությանը և վաղվա հանրահավաքին ավելի շատ մարդ ներկայանա:

Հարակից հրապարակումներ`

Լարված իրավիճակ. քաղաքացիները փորձում են մտնել Կառավարության շենք

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: