Հայաստանի տնտեսական զարգացման համար մի քանի տարբերակներ կան. Աշոտ Թավադյան

17:00 29/01/2021

Հայաստանի տնտեսական զարգացման համար մի քանի տարբերակներ կան. Աշոտ Թավադյան

Հայաստանի համար տնտեսական զարգացման մի քանի տարբերակներ կան և Եվրասիական տնտեսական միությունը կարող է էական դեր խաղալ դրանց իրականացման հարցում: «Ի՞նչ է սպասում Հայաստանի տնտեսությանը 2021 թվականին» թեմայով Երևան-Մոսկվա տեսակամուրջ-համաժողովի ժամանակ հայտարարեց տնտեսագիտության դոկտոր, պրոֆեսոր, Եվրասիական փորձագիտական ակումբի անդամ Աշոտ Թավադյանը։

Նրա խոսքով, Ղազախստանի հայտարարած ԵԱՏՄ տնտեսական առաջնահերթությունների իրականացումը դժվար կլինի, եթե չհամաձայնեցվեն դրամավարկային և էներգակիրների սակագների քաղաքականությունը:

Աշոտ Թավադյանը հույս հայտնեց, որ ԵԱՏՄ-ն ինչ-որ քայլեր կձեռնարկի, որպեսզի հետպատերազմյան Հայաստանի տնտեսության վիճակը հավասարեցվի կազմակերպության անդամ մյուս պետությունների տնտեսություններին:

Անդրադառնալով նոյեմբերի 9-ի եռակողմ հայտարարության մեջ առկա հաղորդակցության ուղիների խնդրին՝ տնտեսագիտության դոկտորը նկատեց, որ կասկածամտորեն է դրան վերաբերվում, քանի որ հակառակ կողմի վարքը որևէ լավատեսություն չի ներշնչում:

Նա շեշտեց, որ հայ փախստականները դեռևս չեն կարողանում վերադառնալ իրենց բնակավայրերը, իսկ Վարդենիս-Մարտակերտ ճանապարհը փակ է:

Աշոտ Թավադյանը նաև առաջարկեց դրամավարկային քաղաքականության, էներգակիրների միասնական սակագնի խնդիրների լուծման հետ միասին Հայաստանի համար կիրառել նաև երրորդ գործիքը և մշակել Մարշալի միկրոպլանը:

Հարակից հրապարակումներ`

Արման Ղուկասյան. Հասարակությունն այս տարի կզգա, թե ինչ խոր ճգնաժամի մեջ է Հայաստանը

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: