Ձեր վստահելի աղբյուրը

Այսօր տեղի է ունեցել Հանձնաժողովի նիստը։ Այս մասին հայնտում են  ԱՀ ՀԾ և տնտեսական մրցակցությունը  կարգավորող պետական Հանձնաժողովից։

«Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Գևորգ Գրիգորյանի նախագահությամբ  այսօր տեղի է  ունեցել  հանձնաժողովի այս տարվա  առաջին   նիստը:
Մինչ օրակարգային հարցերին անդրադառնալը Հանձնաժողովի նախագահի տեղակալ Սերգեյ  Գրիգորյանն  առաջարկել է  օրակարգում ընդգրկել ծաղիկների շրջանառության ոլորտում ուսումնասիրություն իրականացնելու վերաբերյալ  հարցը, որը ընդունվել է միաձայն:

 Օրակարգային առաջինից  յոթերորդ  հարցերով   որոշվել  է ուժը կորցրած ճանաչել «ՋԵՆԵՐԱԼ ԷՆԵՐՋԻ»  ՍՊ ընկերության  «ՉԱՐՀԷԿ» ՓՀԷԿ-ի, «Արցախ ՀԷԿ»  ԲԲ ընկերության  «Քարվաճառ»  ՓՀԷԿ-ի, «Արցախ ՀԷԿ»  ԲԲ ընկերության «ԼԵՎ-1»  ՓՀԷԿ-ի, «Զանգեզուր ԷԶՇ»  ՍՊ ընկերության «Զանգեզուր»  ՓՀԷԿ-ի,  «ՄՌԱՎ» ՍՊ ընկերության  «Մռավ»  ՓՀԷԿ-ի, «Արցախ ՀԷԿ»  ԲԲ ընկերության «Մատաղիս-1»  ՓՀԷԿ-ի, «Արցախ ՀԷԿ»  ԲԲ ընկերության  «Մատաղիս-2»  ՓՀԷԿ-ի էլեկտրական էներգիայի (հզորության) արտադրության լիցենզիաները՝ հաշվի առնելով  Ռուսաստանի Դաշնության, Ադրբեջանի Հանրապետության նախագահների և Հայաստանի Հանրապետության վարչապետի միջև 2020 թվականի նոյեմբերի 9-ին կնքված համաձայնագիրը:

Փոփոխություն է կատարվել  «Փեյս»  սահմանափակ պատասխանատվությամբ ընկերությանը Արցախի Հանրապետության Հադրութի և Մարտունու շրջանների տարածքում ռադիոհաղորդումների եթերային հեռարձակման (վերահեռարձակման) լիցենզիա տրամադրելու մասինե որոշման մեջ:

«Հեռուստառադիոհաղորդումների հեռարձակման լիցենզավորման մրցույթի կարգը հաստատելու մասին»  որոշմամբ՝ Արցախի Հանրապետության տարածքում,  ընդհանուր ուղղվածության ռադիոհաղորդումների եթերային հեռարձակման (վերահեռարձակման) մի շարք մեգահերց հաճախությունների շերտերում հայտարարվել է մրցույթ:

Հանձնաժողովը  որոշել է նաև իրականացնել ուսումնասիրություն  «Բենզին»   և «Դիզվառելիք»  ապրանքային շուկաներում,   նշված շուկաների  կենտրոնացվածության աստիճանը, մրցակցության սահմանափակման հնարավոր ռիսկերը, ինչպես նաև Օրենքի հնարավոր խախտման  հատկանիշները պարզելու համար:

Հանձնաժողովը վերջին հարցով հաստատել է Հանձնաժողովի աշխատակազմի հաստիքացուցակը, որի գործողությունը տարածվում է 2021 թվականի հունվարի 1-ից ծագած իրավահարաբերությունների վրա»,-նշված է  հաղորդագրությունում։