«Մինչև վերջերս Փաշինյանին պաշտպանող Բադասյանը կորցրել է իր տունը, հարազատների շիրիմները»
«Վահան Բադասյանը, որը մինչև վերջերս Նիկոլ Փաշինյանին պաշտպանում էր, կորցրել է իր տունը, հարազատների շիրիմները, ամեն ինչ և, լինելով առաջին գծում, վիրավորվելով, տեսել ու համոզվել է, որ այդ ամենի մեղավորն ու դավաճանը Նիկոլ Փաշինյանն է»,- ասուլիսում հայտնեց «Ազգային անվտանգություն» կուսակցության նախագահ Գառնիկ Իսագուլյանը և նկատեց, որ հայտարարությունից անմիջապես հետո Նիկոլ Փաշինյանը ձերբակալում է պապերի ստեղծածը կորցնելու պատճառով աֆեկտի մեջ հայտնված ազատամարտիկին:
Իսագուլյանի դիտարկմամբ՝ Բադասյանը Եռաբլուրում, տեսնելով այդ տղաների շիրիմները, ում սպանության մեջ հիմնական մեղավորը Նիկոլ Փաշինյանն է, բնականաբար հայտարարում է, որ Նիկոլին պատրաստ է ֆիզիկապես էլ ոչնչացնել, և ոչ մեկը չի ցանկանում մտնել նրա հոգեվիճակի մեջ, այլ նրան անմիջապես կալանավորում ու մեղադրանք են առաջադրում:
«Իսկ Նիկոլը պետք է 2 մլն դոլար ծախսեր, որ գնար մաքուր տեղ ապրե՞ր, կինը պետք է բունկերներում ման գա՞ր, աղջիկը, այսքան զոհերից հետո պետք է գնար Մոսկվա, լեզուն հանե՞ր ու տարբեր բաներ լպստե՞ր ու առանց ամոթի գցե՞ր իր ֆեյսբուքյան էջում»,- հայտարարեց Իսագուլյանը:
Անդրադառնալով մյուս ձերբակալվածին՝ Արշակ Զաքարյանին, բանախոսը նկատեց, որ նա Դադիվանքի հարևանումթյամբ 1 մլն դոլարից ավել էր ծախսել և հրաշալի հանգստի գոտիր էր կառուցել:
«Այդտեղ հաց էր զխկտվել Նիկոլ թուրքը, դավաճանը, թշնամին՝ իր ոհմակ ընտանիքի հետ և հետո էլ դատի էր տվել այդ մարդուն կտրոնը մեկ րոպե ուշացնելու համար»,- հայտարարեց Գառնիկ Իսագուլյանը
Պնդելով, որ պաշտոնյաների՝ ադրբեջանական, թուրքական գործակալներ լինելու փաստերը ապացուցված են ՝«Ազգային անվտանգություն» կուսակցության նախագահը հայտարարեց, որ վերջիններս գրավելով գործադիր իշխանությունը, այնուհետև օրենսդիր իշխանությունը, մեծ գրոհ են կազմակերպել նաև դատական իշխանության վրա, հակասահմանադրական ճանապարհով նաև Սահմանադրական դատարանն են գրավել:
Ըստ Իսագուլյանի՝ դատարանները, սակայն, որոշեցին, որ չեն միանալու Նիկոլ Փաշինյանի հանցավոր խմբին և նրա կատարած հանցանքների հանցակիցը չեն դառնա:
«Այտեղ Նիկոլ կոչվածը փրփրել է և ամեն ինչ անում է, որպեսզ դատական համակարգը, դատարանները նույնպես ենթարկի իրեն»,- նկատեց Իսագուլյանը և համոզմունք հայտնեց, որ իշախանական բուրգից այսօր միայն դատական համակարգն է աշխատում և եթե պետական իշխանության երրորդ ոտքն էլ է ուզում ջարդել, ապա Հայաստանի Հանրապետություն պատեկանություն ունենալը անհնար է լինելու:
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
