Ձեր վստահելի աղբյուրը

Երևանի պետական համալսարանի ռեկտորի պաշտոնակատար  Գեղամ Գևորգյանի նախաձեռնությամբ այսօր ԵՊՀ գիտական խորհրդի նիստերի դահլիճում ընթանում է ԵՊՀ հոգաբարձուների խորհրդի նիստը:

Գ.Գևորգյանն ասաց, որ այն, ինչ ներառել է նիստի օրակարգում, համալսարանի գործունեությունն ապահովելու համար հրատապ են,  պետք է լուծում տրվի այդ հարցերին՝ դրական կամ բացասական:

ԵՊՀ հոգաբարձուների խորհրդի նախագահ Գևորգ Մուրադյանը պատերազմից հետո հրաժարական էր տվել: Նիստի օրակարգում է նաև  «Երևանի պետական համալսարան» հիմնադրամի հոգաբարձուների խորհրդի նախագահի ընտրությունը: Զեկուցողն է ԵՊՀ ՀԽ նիստը նախագահող Անահիտ Չուբարյանը:

ԵՊՀ Ուսխորհրդի նաագահ Դավիթ Ափոյանը հետաքրքրվեց, թե ի՞նչ հիմքով է Գ.Մուրադյանը հրաժարական տվել:

«Անձամբ պարոն Մուրադյանի հետ չեմ խոսել: Ինչքան հասկանում եմ՝ ինքն այդ կապիտուլյացիոն պայմանագրից հետո որոշակի հիասթափվածություն ուներ: Ինձ թվում է՝ այդպես է»,- ասաց Անահիտ Չուբարյանը:

Անահիտ Չուբարյանը նիստի սկզբում ներկայացրեց նաև ԵՊՀ հոգաբարձուների խորհրդի նոր 4 անդամին. փոխվարչապետ Տիգրան Ավինյանի գրասենյակի նախկին ղեկավար Վարագ Սիսեռյանի փոխարին՝ Բագրատ Բադալյան, վարչապետի աշխատակազմի գործերի կառավարիչ Վ. Պապիկյանի փոխարեն՝ ԿԳՄՍ նախարարի խորհրդական Գոհար Մամիկոնյան, Հանրային հեռուստաընկերության նախկին տնօրեն Արմեն Սարգսյանի փոխարեն՝ նոր տնօրեն Հովհաննես Մովսիսյան, հոգաբարձուների խորհրդի նախագահ Գևորգ Մուրադյանի փոխարեն՝ Հայաստանի ֆոնդային բորսայի ՏՏ բաժնի ղեկավար Ավետիք Քերոբյան։

ԵՊՀ ՀԽ նիստի օրակարգի է նաև՝

«Երևանի պետական համալսարան» հիմնադրամի հոգաբարձուների խորհրդի աշխատակարգում լրամշակումների կատարում:
Զեկուցող՝ ԵՊՀ ՀԽ նիստը նախագահող Ա. Չուբարյան

«Երևանի պետական համալսարան» հիմնադրամի՝ 2021 ֆինանսական տարվա եկամուտների և ծախսերի նախահաշվի հաստատում:
Զեկուցող՝ ԵՊՀ ռեկտորի ժամանակավոր պաշտոնակատար Գ. Գևորգյան

«Երևանի պետական համալսարան» հիմնադրամի «Ասպիրանտուրայի և դոկտորանտուրայի բաժին», ««Բանբեր Երևանի համալսարանի» հանդեսի խմբագրություն» և ««Գիտական տեղեկագիր» հանդեսի խմբագրություն» կառուցվածքային ստորաբաժանումների միացում «Գիտական քաղաքականության վարչություն» կառուցվածքային ստորաբաժանմանը:
Զեկուցող՝ ԵՊՀ ռեկտորի ժամանակավոր պաշտոնակատար Գ. Գևորգյան

«Երևանի պետական համալսարան» հիմնադրամի 2021 թ. հաստիքացուցակի հաստատում:
Զեկուցող՝ ԵՊՀ ռեկտորի ժամանակավոր պաշտոնակատար Գ. Գևորգյան

«Երևանի պետական համալսարան» հիմնադրամի կարիքների համար աշխատակիցների առողջության ապահովագրման ծառայությունների մատուցման գնման պայմանագրի հաստատում:
Զեկուցող՝ ԵՊՀ ռեկտորի ժամանակավոր պաշտոնակատար Գ. Գևորգյան

«Երևանի պետական համալսարան» հիմնադրամի կարիքների համար անվտանգության ապահովման ծառայության մատուցման պետական գնման պայմանագրի հաստատում:
Զեկուցող՝ ԵՊՀ ռեկտորի ժամանակավոր պաշտոնակատար Գ. Գևորգյան

«Երևանի պետական համալսարան» հիմնադրամի կարիքների համար սանիտարական մաքրության ծառայության մատուցման գնման պայմանագրի հաստատում:
Զեկուցող՝ ԵՊՀ ռեկտորի ժամանակավոր պաշտոնակատար Գ. Գևորգյան