Զարիֆը՝ Ստամբուլում․ Քննարկվելու է հատկապես ԼՂ վերջին իրադարձություններից հետո տրանսպորտային ոլորտներում համագործակցության հարցը

Քաղաքական 10:25 29/01/2021 Տարածաշրջան

Զարիֆը՝ Ստամբուլում․ Քննարկվելու է հատկապես ԼՂ վերջին իրադարձություններից հետո տրանսպորտային ոլորտներում համագործակցության հարցը

Տարածաշրջանային այցի շրջանակներում, ԻԻՀ ԱԳ նախարար Մուհամմադ Ջավադ Զարիֆը ժամանել է Թուրքիայի Ստամբուլ քաղաք: Ստամբուլի օդանավակայանում, լրագրողների հետ ճեպազրույցում, Զարիֆն ասել է. «Թուրքիայի հետ մեր հարբերությունները շատ կարևոր են: Երկկողմ, բազմակողմ և տարածաշրջանային հարցերի շուրջ Թուրքիայի հետ խորհրդակցությունը և համաձայնությունը շատ կենսական է»: Այս մասին գրում է Pars Today-ը։

Ընդգծելով Կովկասի տարածաշրջանում երկրների համագործակցության միջոցով խաղաղություն հաստատելու անհրաժեշտությունը, Զարիֆը հավելել է, որ Ադրբեջան, Ռուսաստան, Հայաստան և Վրաստան կատարած իր այցերի ընթացքում, այդ երկրների բարձրաստիճան պաշտոնյաների հետ մանրամասնորեն քննարկել է այս հարցը:

«Թուրքիայում մեր եղբայրների հետ հանդիպման ժամանակ նույնպես այս հարցը քննարկվելու է: Մենք քննարկելու ենք հատկապես Լեռնային Ղարաբաղի տարածաշրջանում տեղի ունեցած վերջին իրադարձություններից հետո տարանցման և տրանսպորտային ոլորտներում համագործակցության հաստատման համար ենթահող ստեղծելու հարցը»,-ասել է Զարիֆը։

Անդրադառնալով վեցակողմ համագործակցության մեխանիզմին՝ Զարիֆը նշել է, որ այս հարցը բարձրացվել է ավելի վաղ, Էրդողանի կողմից:

«Տարածաշրջանի երկրների պաշտոնյաների հետ ես քննարկել եմ այս հարցը և Թուրքիայի պաշտոնյաների հետ հանդիպման ժամանակ կներկայացնեմ արդյունքները»,-ասել է Զարիֆը։

Տարածաշրջանայկին այցի շրջանակներում, Իրանի ԱԳ նախարարը երկուշաբթի օրը ժամանել էր Բաքու, այնուհետև՝ Մոսկվա, Երևան և Թբիլիսի:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: