Ձեր վստահելի աղբյուրը

 Արդյո՞ք գիտնականները շարունակում են պահանջել Նիկոլ Փաշինյանի հրաժարականը, թե՞ մտափոխվել են հարցին անդրադառնալով  ԳԱԱ նախագահ Ռադիկ Մարտիրոսյանը  Աժ-ում կազմակերպված ճեպազրույցի ժամանակ հայտնեց, որ ամեն օր չէ, որ դրանով է զբաղվում, իսկ գիտնականներն ասել են իրենց կարծիքը և իրենց գործին են:

Նա հաստատեց, որ ԳԱԱ-ն ժամանակին արել է Նիկոլ Փաշինյանի հրաժարականի մասին իր հայտարարությունը:

«Իրողությունների չափանիշը չեն որոշվում փողուցում եղած մարդկանց թվով, ես համոզված եմ, որ շատ-շատ մարդիկ, որ փողոցում չեն այլ նստած են տանը, կամ աշտավայրում, ունեն նույն կարծիքը, ինչ որ առաջ, չեմ կարծում, որ փողոց դուրս գալը հիմնական պայման է»,- հայտարարեց Ռադիկ Մարտիրոսյանը և շեշտեց, որ նոր վարչապետը պետք համապատասխանի մեր անցյալին և այն խնդիրներին, որոնք դրել ենք մեր առաջ ապագայի համար:

«Նոր վարչապետը պետք է լինի ճիշտ բաներ ասող, սուտ բաներից հեռու, ամոթ է, որ երկրի ղեկավարը սուտ ասի»,- նկատեց գիտնականը:

Անդրադառնալով Հայաստանի գիտության խնդիրներին՝ նա նշեց, որ Ռուսաստանում գիտնականը ստանում է երկրի միջին աշխատավարձի կրկնապատիկը, Չինաստանում և Հարավային Կորեայում այն հասնում է 5-ից 10-ապատիկի:

«Ես չեմ կարծում, որ այսօր անհրաժեշտ է ունենալ գիտության մասին նոր օրենք, երբ մենք ունենք երկու գործող օրենք՝ մեկը կոչվում է «Գիտության և գիտական քաղաքականության մասին» օրենք և «ԳԱԱ-ի մասին» օրենք: Եթե խնդիրներ կային՝ մենք պատրաստ էինք այդ օրենքներում փոփոխություններ կատարել»,- հայտնեց Մարտիրոսյանը:

Նրա խոսքով՝ նոր օրենքում հստակեցված չէ, թե ԳԱԱ-ի ենթակայության տակ գտնվող ինստիտուտների վերադասը, որ կառույցն պետք է լինի, իսկ իրենք պահանջում են, որ լինի այնպես ինչպես հիմա է:

ԳԱԱ նախագահը հայտնեց, որ «Սկոպիուս» միջազգային վիճակագրական ընկերությունը դիտարկել է 8800 գիտական կազմակերպություն ամբողջ աշխարհում և նրանց դասակարգել ըստ իրենց նվաճումների:

Նրա խոսքով՝ այդ ցուցակում Հայաստանից կա 14 գիտական կազմակերպություն, որից 12-ը ԳԱԱ ինստիտուտներն են, մյուս երկուսը՝ Ֆիզիկայի ինստիտուտն ու Սեյսմիկ ազգային կենտրոնն է, իսկ Վրաստանը և ադրբեջանցիներն այդ ցուցակում ունեն մեկական կազմակերպություն:

Ռադիկ Մարտիրոսյանը նաև հայտնեց, որ ԳԱԱ-ն շուտով կանի հայտարարություն Շուշիում և Արցախի ամբողջ տարածքում գտնվող մշակութային ժառանգության վերաբերյալ: