Ձեր վստահելի աղբյուրը

Իրավագիտության դոկտոր Գևորգ Դանիելյանը գրում է.

«Անասելի աշխուժությամբ ստվարանում է Ազգային ժողովի այն պատգամավորների շրջանակը, որոնք արդեն բացահայտ, ընդ որում, բոլշևիկյան ժամանակների ոգով, ընգծված բացասական երանգներով ազգայնական են որակում, ռևանշիզմի մեջ են մեղադրում՝  բացառապես միջազգային իրավունքի չափանիշներին համահունչ, զուտ ազգային շահերի պաշտպանության կողմնակիցներին։

Ըստ էության, կարճ ժամանակ անց, չեն էլ խորշի արդեն ազգայնամոլության մեջ մեղադրել։  Սա դժվարանում եմ տգիտության դրսևորում համարել։

Ինչևէ, Սահմանադրությունը պարտավորեցնում է հանրային իշխանությանը, որին մաս եք կազմում՝ աներկբա պաշտպանելու Ազգային Եկեղեցին, հայոց լեզուն և մշակույթը, ընտանիքը, հայկական սփյուռքի հետ կապերը (15-րդ, 16-րդ, 18-րդ և 19-րդ հոդվածներ)։

Հայ ազգը, ինչպես և ցանկացած այլ ազգ, պետք է ունենա պաշտպանվելու, իր ազգային արժեքները տարատեսակ ոտնձգություններից փրկելու բնական ձգտում ու կամք, երբեք չփորձեք, խախտելով երկրի Հիմնական օրենքը, դա որակել իբրև ռևանշիզմ ...»։