Ձեր վստահելի աղբյուրը

Հանուն հայրենիքի փրկության շարժման համակարգող Իշխան Սաղաթելյանը կարծում է, որ իշխանությունը արտահերթ ընտրությունների պահանջարկի վերաբերյալ հարցումն իրականացվել է «Իմ քայլը» խմբակցության ներսում։

«Հակառակ դեպքում կկարողանմային ֆիքսել, որ իսկապես կա հանրային պահանաջ այս չարիքի կառավարությանը հեռացնելու վերաբերյալ»,-ասել է Իշխան Սաղաթելյանը մի քանի լրատվամիջոցների հետ հարցազրույցում։

Անդրադառնալով արտահերթ ընտրություններ չանցկացնելու հնարավոր պատճառներին, դանշանկացական գործիչը երեքն  է նշում, իշխանությունում կամ հասկացել են, որ վերարտադրման հնարավորություն չունեն, հասկացել է, որ լուրջ խնդիրներ ունի թիմի ներսում, քանի որ խորհրդարանում պատահաբար հայտնված անձինք կորցնելու են իրենց մանդատներն անավերադարձ, երրորդ պատճառն այն է, որ իշխանությունը կարծում է, որ կարող է մարսել տեղի ունեցածը, կեղծ օրակարգերով կարող են ժամանակ շահել ու ամրապնդել իրենց իշխանությունը։

«Բայց հենց այստեղ չարաչար սխալվում են, քանի որ հայ մարդը չի կարող հանդուրժել այս դավաճան իշխանության գործունեությունը»,-ասաց նա։

Սաղաթելյանի խոսքով, առաջիկա օրերին շարունակվելու են զանգվածային բողոքի ակցիաներ, երթեր, ցույցեր։

Առաջին հանրահավաքը նախատեսված է փետրվարի 20-ին։

Սաղաթելյանը նկատեց՝ ընդդիմադիր ուժերը երբեք չեն ասել, որ դեմ են արտահերթ ընտրություններին, ընդհակառակը խոսել են դրանց անհրաժաշետության մասին։
 

«Մենք դեմ ենք եղել Նիկոլ Փաշինյանի գլխավորությամբ կազմակերպած արտահերթ ընտրություններին, նաև ասել ենք, թե ինչու»,-ասաց նա՝ ավելացնելով, որ Փաշինյանին չի հաջողվելու մնալ իշխանության։

Հարցազրույցն ամբողջությամբ՝ News.am-ի տեսանյութում։