Ձեր վստահելի աղբյուրը

Վճռաբեկ դատարանի նախագահի պաշտոնում Լիլիթ Թադևոսյանի թեկնածության հարցը քննարկելու ժամանակ անկախ պատգամավոր Սերգեյ Բագրատյանը հայտնեց, որ Մարդու իրավունքների եվրոպական դատարանը  հրապարակել է «Վարդանյանն ընդդեմ Հայաստանի» գործով արդարցի փոխհատուցման վճիռը, որով ՀՀ-ին պարտավորեցրել է 1 մլն 708 հազար եվրո փոխհատուցել քաղաքացի Յուրի Վարդանյանին Բյուզանդի փողոցում 1345 ք/մ տարածքի օտարման դիմաց փախհատուցում տալու  համար:

Պատգամավորը հետաքրքրվեց, թե Վճռաբեկ դատարանի նախագահի թեկնածուն ինչքանո՞վ է արդարացի համարում, որ քաղաքացու վճարած հարկերով պետությունը պետք է վճարի պետական պաշտոնյաների, պետական իշխանության և դատական համակարգի  կայացրած  սխալ որոշումների համար

Սերգեյ Բագրատյանը նաև հարցրեց, թե Լիլիթ Թադևոսյանը պատրա՞ստ է նման վճիռներ կայացնելիս որոշման հիմքում դնել նաև սխալ թույլ տված պետական պաշտոնյաներին պատասխանատվության ենթարկելու խնդիրը:

Դատավորը նկատեց, որ ինչ պատասխան էլ հնչեցնի՝ այն պետք է վերաբերվի Վճռաբեկ դատարանին և նրա նախագահին Սահմանադրությամբ տված լիազորությունների շրջանակներին:

Լիլիթ Թադևոսյանը հայտնեց, որ ԵԴ-ի կողմից Հայաստանին պարտադրվող վճիռները դատական իշխանությանը հուզող խնդիրներից մեկն է և նկատեց, որ նման որոշումներ են կայացվում նաև այն դեպերում, երբ օբյեկտիվ պատճառներով են թույլ տրվել խախտումներ:

Նրա խոսքով՝ լինեում են դեպքեր, երբ օրենսդրական անկատարության, դատավորների ծանրաբեռնվածության արդյունքում, ողջամիտ ժամկետների խախտման դեպքերում էլ ԵԴ-ն կարող է արձանագրել խախտում:

Ըստ դատավորի, օրենսդրական դաշտը պետք է բարեփոխվի, որպեսի նվազագույնի հասցվեն այն դեպքերը, երբ պետությունը կանգնում է պատասխանատվության առաջ:

«Դատական համակարգն աշխատում է 12, երբեմն 24 ժամյա ռեժիմով և չի սխալվում նա, ով չի աշխատում»,- հայտարարեց Վճռաբեկ դատարանի նախագահի թեկնածուն՝ շեշտելով, որ սխալներ լինում են նաև կատարյալ դատական համակարգ ունեցող երկրներում:

Լիլիթ Թադևոսյանը նկատեց, որ նշված գործը քաղաքացիական գործ է, իսկ ինքը քրեական գործերով պալատի դատավոր է և ձեռնպահ մնաց կարծիք հայտնելուց:

«Հմտորեն խուսանավում եք հարցի պատասխանից՝ մոռանալով որ Վճռաբեկ դատարանի նախագահի պաշտոնի թեկնածու եք»,- նկատեց Սերգեյ Բագրատյանը և հավելոց, որ բոլոր դեպքերում արդարադատության համակարգը իր կարծիքը պետք է հայտնի հանցավոր սխեմաների վերաբերյալ:

Լիլիթ Թադևոսյանը հատնեց, որ Վճռաբեկ դատարանի նախագհ ընտրվելու դեպքում էլ մնալու է քրեական պալատի դատավոր, իսկ խնդրին պետք է համակարգային լուծում տալ, բայց պաշտոնատար անձանց պատասխանատվության հարցը պետք է սկսվի իրավապահ մարմիններից: