Ձեր վստահելի աղբյուրը

Երևանի ավագանու նիստում առաջարկվեց  վերակազմակերպել և կառուցվածքային փոփոխություններ կատարել Երևանի քաղաքապետարանի աշխատակազմի «Քարտուղարություն» և «Անձնակազմի կառավարման բաժին» կառուցվածքային ստորաբաժանումներում:

Երևանի քաղաքապետարանաի աշխատակազմի քարատուղարի պաշտոնակատար Դավիթ Համբարյանն ասաց, որ «Քարտուղարություն» ստորաբաժանման կառուցվածքային փոփոխության հիմքում վերջին ամիսներին մանրամասն կատարված ուսումնասիրություններն ու վերլուծություններն են:

Ըստ ներկայացված նախագծի՝ «աշխատանքային ծանրաբեռնվածությունը հավասարաչափ բաշխելու, իրականացվող գործառույթների կրկնությունները բացառելու, համայնքային ծառայության պաշտոնների անձնագրերում տարբերակված և առանձնահատկությունները սահմանող գործառույթների ամրագրմամբ համակարգված և մասնագիտացված գործունեություն իրականացնելու, ինչպես նաև ստորաբաժանումը վերանվանելու և կառուցվածքը օպտիմալացնելու, անհրաժեշտությունից ելնելով Նախագծով առաջարկվում է.

Աշխատակազմի «Քարտուղարություն» կառուցվածքային ստորաբաժանումը վերակազմակերպել «Գործերի կառավարման և սպասարկման վարչություն» կառուցվածքային ստորաբաժանման:
. Աշխատակազմի քարտուղարությանը վերապահված այն լիազորությունները, որոնք վերապահված չեն ստորաբաժանման բաժիններին, իրականացնել համայնքային ծառայության թվով 1 գլխավոր և 3 առաջատար մասնագետների պաշտոնները զբաղեցնող անձանց ներգրավմամբ, որոնց միջոցով կիրականացվի նաև աշխատակազմ մուտքագրված փաստաթղթերի առնչությամբ տրված հանձնարարականների սահմանված ժամկետներում կատարման նկատմամբ հսկողությունը, ընդհանուր փաստաթղթաշրջանառության արդյունավերության բարձրացումը և օպտիմալացումը»:

Ստորբաժանման վերակազմակերպման արդյուքում նախկին 110 հաստիքային միավորներն ընդամենն ավելանում են 2 հաստիքային միավորով, իսկ աշխատավարձի ֆոնդը ամսական ավելանում է 1052000 ՀՀ դրամով՝ պայմանավորված կառուցվածքում համայնքային ծառայության կրտսեր խմբի հաստիքային միավորների թվաքանակի նվազեցմամբ և աշխատանքային ստաժի և փորձի, ավելի բարձր որակավորում և մասնագիտական կրթական պահանջներ ներկայացնելու հնարավորություն ունեցող հաստիքային միավորների ավելացմամբ:

Նախագծով առաջարկվում է նաև աշխատակազմի «Անձնակազմի կառավարման» բաժինը վերակազմակերպել «Մարդկային ռեսուրսների կառավարման» վարչության:
Նշված անվանումով վարչության կարգավիճակ ունեցող կառուցվածքային ստորաբաժանում ստեղծելու անհրաժեշտությունը պայմանավորված է մարդկային ռեսուրսների կառավարման ավտոմատացված համակարգերի ներդրման անհրաժեշտությամբ:

«Կառուցվածքային այս բարեփոխումների արդյունքում բոլոր նրանք, ովքեր  որակային, մասնագիտական փորձառության առումով համապատասխանում են  զվաղեցնելու համարժեք պաշտոն, համարժեք աշխատանք կամ փոփոխության արդյունքում մեկ այլ աշխատանք, բնականաբար, բոլոր աշխատակիցները կշարունակեն այդ գործառույթները:

Եթե լինեն մարդիկ, որոնց աշխատանքային փորձառությունը, մասնագիտական որակները չհամապատասխանեն, հնարավոր է որոշ աշխատակիցներ դուրս մնան վերանշանակվելու գործընթացից:

Չեմ բացառում, որ այս ամենի արդյունքում լինեն մարդիկ, որոնք չստանան համարժեք աշխատանք դրա ուղղակի բացակայության կամ անհամապատասխանության արդյունքում»,- ասաց Համբարյանը:

Նա նշեց, որ անհատական մոտեցում կցուցաբերն և կաշխատեն գտնել տվյալ մարդկանց ներուժին համապատասխան աշխատանք մեկ այլ տեղ:

Ըստ նրա, որոշման հաստատման օրվանից երեք ամիս հետո կունենան այսօրվա առաջարկվող նորացված համակարգերը:

Դ. Համբարյանը հայտնեց, որ կա հարցաշարերի թարմացման խնդիր: