Ձեր վստահելի աղբյուրը

Ուկրաինան ՆԱՏՕ-ի գործողությունների համար առաջարկել է օգտագործել օդային տարածքը՝ Սիմֆերոպոլի թռիչքների տեղեկատվական տարածքում (Flight Information Region)։ Այս առաջարկությունն արվել է այսօր՝ Ուկրաինայի ենթակառուցվածքների նախարար Վլադիսլավ Կրիկլիի՝ ՆԱՏՕ-ի գլխավոր քարտուղարի պաշտպանական քաղաքականության և պլանավորման գծով տեղակալ Պատրիկ Թյորների հետ հանդիպման ժամանակ:

Հանդիպումը տեղի է ունեցել Բրյուսելում՝ Ուկրաինայի վարչապետ Դենիս Շմիգալի գլխավորած Ուկրաինայի կառավարական պատվիրակության աշխատանքային այցի շրջանակներում: Այս մասին գրում է Tass-ը։

«Ուկրաինան հավատարիմ է եվրատլանտյան կոլեկտիվ անվտանգության համակարգերին ինտեգրվելու ընտրված կուրսին։ Նման ինտեգրման կարևոր ուղղություններից է Ուկրաինայի մասնակցությունը ՆԱՏՕ-ի ծրագրում՝ օդային երթևեկության վերաբերյալ տվյալների փոխանակման մասին: Ժամանակակից պայմաններում կարևոր է մեծացնել հսկողությունը քաղաքացիական օդային երթևեկության նկատմամբ՝ հատկապես Սև ծովի ու և ԱԹՕ-ի գոտում  (այսպես կոչված հակաահաբեկչական գործողություն. Կիևի ուժային գործողություն Դոնբասում - նշում է ՏԱՍՍ-ը)», - ասել է  Կրիկլին։

Նշվում է, որ Կրիկլին առաջարկել է Սիմֆերոպոլի թռիչքների տեղեկատվական տարածքի մի մասն օգտագործել ՆԱՏՕ-ի օդային գործողությունների համար`զորքեր տեղափոխելու համար, սարքավորումներ, բեռներ և այլն, հույս հայտնելով, որ ՆԱՏՕ-ն կաջակցի Ռուսաստանի հետ սահմանի երկայնքով օդային իրավիճակի վերահսկմանը։

Հաղորդվում է նաև, որ կողմերը քննարկել են ենթակառուցվածքների նախարարության մասնակցությունը Սև ծովում «Համահունչ կայունություն 2021» Ուկրաինա-ՆԱՏՕ համատեղ զորավարժություններին, ինչպես նաև կիբերնետիկայի ոլորտում հնարավոր համագործակցությանը:

Tass-ը գրում է, որ 2014-ի փետրվարին Կիևում տեղի ունեցած հեղաշրջումից հետո Ղրիմի և Սևաստոպոլի իշխանությունները որոշում կայացրեցին հանրաքվե անցկացնել Ռուսաստանի հետ վերամիավորման վերաբերյալ: Քվեարկությանը, որը տեղի է ունեցել նույն տարվա մարտի 16-ին, մասնակցել է քվեարկելու իրավունք ունեցողների ավելի քան 80%-ը:

Ռուսաստանի Դաշնության հետ վերամիավորմանը կողմ են քվեարկել համապատասխանաբար Ղրիմի և Սևաստոպոլի բնակիչների 96.7% -ը և 95.6% -ը: Մարտի 18-ին Ռուսաստանի նախագահը համաձայնագիր ստորագրեց Ղրիմի Հանրապետությունը և Սևաստոպոլը Ռուսաստանի Դաշնություն ընդունելու մասին, իսկ մարտի 21-ին փաստաթուղթը վավերացվեց Դաշնային ժողովի կողմից: