Ձեր վստահելի աղբյուրը

Նոր կորոնավիրուսի դեմ պատվաստված մարդկանց ընդհանուր թիվն աշխարհում գերազանցել է 159,3 միլիոնը: Սեփական վիճակագրությունն է հրապարակում ՏԱՍՍ-ը՝ հիմնվելով իշխանությունների, փորձագետների և լրատվամիջոցների տվյալների վրա: Այսպիսով, պատվաստված մարդկանց մասն արդեն կազմում է ՄԱԿ-ի Բնակչության հիմնադրամի  2020 թվականի կեսերի դրությամբ գնահատված 7 միլիարդ 795 միլիոն աշխարհի բնակչության 2% -ից ավելին:

Միջին հաշվով, անցած յոթ օրվա ընթացքում օրական կատարվում է շուրջ 6 միլիոն պատվաստում: Փետրվարի 3-ին պատվաստվածների թիվն առաջին անգամ գերազանցեց կորոնավիրուսով վարակվածների թվին: Ընդհանուր առմամբ, համաճարակի սկզբից ի վեր վարակը հայտնաբերվել է 107,8 միլիոն մարդու մոտ, նրանցից ավելի քան 2,3 միլիոն մարդ մահացել է:

Ամենաշատը՝ ավելի քան 48 միլիոն պատվաստում, կատարվել է Միացյալ Նահանգների բնակիչներին: Երկրորդ տեղում Չինաստանն է (պատվաստվել է ավելի քան 40 միլիոն քաղաքացի), երրորդ տեղում `Մեծ Բրիտանիան, որտեղ, հաշվի առնելով  նաև նրա կղզիների տարածքները՝ Լա Մանշի կղզիները և Մեն կղզին, պատվաստվել է շուրջ 14,1 միլիոն մարդ: Այս երկրներին բաժին է ընկնում բոլոր պատվաստվածների մոտ 65% -ը: Բացի այդ, պատվաստումներ են ընթանում նաև Հնդկաստանում (7 միլիոն) և Իսրայելում (6,2 միլիոն):

Պատվաստված բնակչության ամենաբարձր տեսակարար կշիռը ունի Իսրայելում (69,3%), ԱՄԷ-ում (49,8%) և Սեյշելյան կղզիներում (49,7%): Միացյալ Թագավորությունում ավելի քան 21,1% -ն արդեն պատվաստված է, ԱՄՆ-ում նրանց թիվը գերազանցում է 14%-ը:

Sputnik V պատվաստանյութը մշակած Գամալեյայի կենտրոնի գիտական աշխատանքների գծով փոխտնօրեն  Դենիս Լոգունովն  հայտնել է, որ մոտ 2.2 միլիոն ռուսաստանցի արդեն ստացել է  դեղամիջոցի առաջին բաղադրիչը: Ռուսաստանի Դաշնությունում հայտնաբերվել է 4,027,748 վարակի դեպք, 78 687 մարդ մահացել է: