Ձեր վստահելի աղբյուրը

Ըստ եվրոպական լրատվամիջոցների՝ չորեքշաբթի օրը Անգլիան հանդես կգա բանաձևի ընդունման նախաձեռնությամբ, որով ՄԱԿ-ի Անվտանգության խորհուրդը հակամարտությունների մեջ ներգրավված երկրներին կոչ կանի հաստատել հրադադարի ռեժիմը` COVID-19- ի դեմ բնակչության պատվաստումը թույլ տալու համար:

«Մենք ունենք գործելու բարոյական պարտավորություն և ռազմավարական անհրաժեշտություն, որպեսզի միավորվենք այս վիրուսը հաղթահարելու համար»,- «Ինտերֆաքս»-ի փոխանցմամբ՝ ասել է Ռաաբան, որը նախագահելու է չորեքշաբթի Անվտանգության խորհրդի հեռավար նիստում:

Կքննարկվի սպառնալիքը, որն առկա է ավելի քան 160 միլիոն մարդու համար, որոնք ապրում են անկայունության և հակամարտությունների այնպիսի շրջաններում, ինչպիսիք են Եմենը, Հարավային Սուդանը, Սոմալին և Եթովպիան:

Ռաաբան նաև մտադիր է կոչ անել ՄԱԿ-ի անդամներին միավորվել` ապահովելու պատվաստանյութերի հավասար հասանելիությունը` նախազգուշացնելով, որ վիրուսի նոր տարբերակները կտարածվեն այն երկրներում, որտեղ մարդիկ չեն պատվաստվել, ինչը վարակի նոր ալիքներով սպառնալիքի տակ կառնի մնացած աշխարհը:

Լրատվամիջոցների փոխանցմամբ՝ սպասվում է, որ Մեքսիկան նույնպես մտահոգություն կհայտնի ամբողջ աշխարհում պատվաստանյութերին անհավասար հասանելիության կապակցությամբ: