Ձեր վստահելի աղբյուրը

«Երբ ես ասացի, որ Նիկոլը ոգեշնչված է ադրբեջանական կառավարման մոդելից և հիմք է դնում սուլթանությանը, նույնիսկ ընկերներս համոզված էին, որ ես չափազանցնում եմ»,- Թելեգրամ ալիքում գրել է Սուրբ Աթոռում ՀՀ նախկին դեսպան Միքայել Մինասյանը։

Նա նշել է, որ այսօր Նիկոլը ցանկանում է կալանավորել իր ընկերներին՝ Արա Սաղաթելյանին և Կարեն Բեքարյանին, ևս երկու տղաների՝  Արամին և Մհերին, ֆեսբուքյան ինչ որ  զզվելի տեքստերի համար, որոնցում անդրադարձ կա ոչ միայն Նիկոլի, այլ նաև նրա ընտանիքի մասին: Մ. Մինասյանը գրել է, որ  ցանկանում են կալանավորել իր ընկեր Նարեկին՝ Նիկոլաե  և Ելանա Չաուշեսկուների վախճանի մասին ներկայացման պատճառով, որի բեմադրությունն այսօր չկայացավ։

«Անկասկած, իմ ընկերները քաղբանտարկյալներ են: Բայց նրանց ձերբակալման պատճառը ոչ միայն և ոչ այնքան քաղաքական է, այլ Նիկոլը կարիք ունի ոչ միայն իր կողմնակիցներին, այլև արդեն իր ընտանիքին ապացուցելու իր կայացվածությունը։  Այն ամբողջ անօրինականությունը, որ պատահում է ընկերներիս հետ, ֆիքսում են տեսախցիկով և անմիջապես ուղարկում Նիկոլին, որպեսզի նա այս ամենը ցույց տա Աննային:

Արժանապատվության վերջին մնացորդները կորցրած Նիկոլին կարևոր է տղամարդ  խաղալ: Գոնե իր ընտանիքի առաջ: Խելագարության եզրին գտնվող ընտանիք, որը տեսնում է, թե ինչպես են մարդիկ վերաբերվում: Ընտանիք, որն իր մաշկի յուրաքանչյուր միլիմետրով ատելություն է զգում: Ընտանիքի, որը նայում է իրենց հորը՝ պաշտպանության հույս ունենալով։

Փաշինյանների ընտանիքը չի հասկանում, որ բացի իրենիցի կան մարդիկ, որոնք «Մայր Հայաստան» բառակապակցությունը տառացի են հասկանում։ Ոչ ինչպես հուշարձանի և ծաղիկ դնելու վայրի անվանում։ Նիկոլը պղծել է շատերի սրբությունը։ Հատուկ ցինիզմով և առանց առանձնահատուկ ափսոսաքնի։ 

Փաշինյանները վիրավորված զգալու բոլոր հիմքերն ունեն. այդ ֆեյքը շատ կեղտոտ բառապաշար ունի և սահմանների բացարձակ բացակայություն: Բայց նրանք դրանից վրդովվելու առիթ չունեն: Հենց Նիկոլն ու Աննան էին վիրավորում մայրերին, կանանց ու երեխաներին: Եվ հիմա նրանց արձակած բումերանգը վերադարձավ և հարվածեց նրանց գլխին:

Եվ եթե Նիկոլը կարծում է, որ Աբազյանի բռնողների միջոցով կարող է պաշտպանել իր ընտանիքը, ապա նրան սպասվում է էլ ավելի մեծ հիասթափություն։ Բանն այն է, որ բռնության ենթարկված Հայրենիքի որդիները միշտ ու անխուսափելիորեն ոչնչացնում են բռնակալներին: Իսկ փոքր և գավառական բռնակալներին՝  նաև արագ:

Նիկոլը չի հասկանում՝ խաղը, որ նա սկսել է իր տղամարդությունն ապացուցելու համար պտտեցնելով բռնաճնշումների թափանիվը, դա ևս մեկ բումերանգ է, որն անպայման վերադառնալու է: Եվ ոչ միայն նրան, այլ նաև նրանց, ում նա այսօր փորձում է պաշտպանել տոնտոն մակուտների  բռունցքներով:

Բռնելով վենդետայի ուղին, ուժայինների ձեռքերով հաշվեհարդար տեսնելով քաղաքական հակառակորդների նկատմամբ, կառուցելով սուլթանությունը, այս տականքը վերացնում է իր փախուստի ուղիները: Քանի որ բոլոր բռնապետերի վախճանը հայտնի է և շատ տհաճ: Նրա ռումինացի անվանակիցը կհաստատի: Իսկ լիբիացի գործընկերը կարեկցաբար կթփթփացնի ուսին»,- գրել է Մ. Մինասյանը։