Ձեր վստահելի աղբյուրը

«ՎԵՏՕ» շարժման հիմնադիր Նարեկ Մալյանին ձերբակալելու իրավաչափության վերաբերյալ որոշումը դատարանը կհրապարակվի այսօր ժամը 15:00-ին:

Նարեկ Մալյանն երեկ առավոտյան բերման էր ենթարկվել ոստիկանություն, այուհետև ձերբակալվել: Փաստաբան Տիգրան Աթանեսյանը հայտնել էր, որ Մալյանը ձերբակալվել է ՀՀ քրեական օրենսգրքի 226.2 հոդվածի 1-ին մասով Նիկոլաե Չաուշեսկուի նկարը տարածելու համար:

Այսօր դատական նիստից հետո լրագրողների  հետ զրույցում Տ. Աթանեսյանն ասաց, որ այս իշխանության օրոք զրոյի է հավասարվել օրենքը, օրինականությունը, իրավունքը։

«Ես միտ մտածում էի, որ ապօրինի կալանքի ենթարկված մարդը, երբ գլխավորի  պետությունը, ամեն ինչ կանի, որպեսզի էլ ոչ ոքի հետ դա չկրկնվի։ Ցավոք, հակառակը եղավ։  Նա շատ ավելի ապօրինի ձևով է մարդկանց հետապնդում, քան  երբևէ հետապնդվել է ինքը կամ իր ընկերները»,- նշեց պաշտպանը։

Տ. Աթանեսյանի խոսքով, Նարեկ Մալյանին ազատազրկեցին, որպեսզի երեկ Ազատության հրապարակում չցուցադրվեր ՎԵՏՕ-ի նախաձեռնած «Չաուշեսկուների գնդակահարությունը կամ մահ դավաճաններին» ֆուտուրիստական ինտերակտիվ պերֆորմանս ներկայացումը։

«Ինձ թվում է՝ այս իշխանության համար վատն այն էր, որ այն Նիկոլաե  և Ելենա Չաուշեսկուների մասին էր,  երևի մեր «Ելենան» հուզվել էր դրանից, հասկանալով,  թե ինչ ապագա կարող է ունենան իրենց դավաճանության համար»,- ասաց Մալյանի պաշտպան Տիգրան Աթանեսյանը։