Ձեր վստահելի աղբյուրը

«Ռազմավարական հետազոտությունների կենտրոն» ՀԿ նախագահ, ԵՊՀ դասախոս Ալվինա Աղաբաբյանն անդրադարձել է «Ռիա Նովոստի» գործակալությանը տված հարցազրույցում Վաղարշակ Հարությունյանի հնչեցրած հայտարարություններին ու դրանց հնարավոր հետևանքներին.

«Այսօր Ռիա Նովոստիին տված հարցազրույցում ՀՀ ՊՆ Վաղարշակ Հարությունյանը հայտնել է, որ արցախյան պատերազմից հետո բանակում բարեփոխումներ են իրականացնում և ի թիվս այլքի՝ օպտիմալացնում են բանակի թվաքանակը, ասել է թե՝ բանակը կրճատում են ․․․

Եվ դա այն պարագայում,

1․ երբ ՀՀ իշխող օկուպացիոն վարչակարգի վարած քաղաքականության հետևանքով տանուլ տրված պատերազմից հետո մենք ունենք մոտ 410 կմ նոր սահման, որի պաշտպանության կազմակերպումն օրախնդիր է,
2․ երբ Ադրբեջանը ավելացնում է իր ռազմական բյուջեն,
3․ երբ թշնամի երկրում շարունակվում է հայատյացության քարոզը,
4․ երբ թշնամի երկրում պետական մակարդակով բարձրաձայնվում է "իրենց պատմական հայրենիք Իրևանը վերադարձնելու" մասին,
5․ երբ թշնամի երկիրը շարունակում է գերեվարված պահել մեր հարյուրավոր տղաներին,
6․ երբ թշնամին ամեն օր Սյունիքում դիմում է սադրանքների՝ կրակոցներ, սահմանի առաջ տալ, գերեվարումներ, հարձակումներ, թալան և այլն՝ այդ կերպ հետևողականորեն իրականացնելով Սյունիքի հայաթափման իր ծրագրերը,
7․ երբ թշնամի երկիրը առանց պատճառաբանության արգելում է Արցախի՝ ադրբեջանական օկուպացիայի տակ անցած տարածքներում որոնողական խմբերի՝ աճյունների հայտնաբերման աշխատանքները (փետրվարի 15-ից Ադրբեջանը թույլ չի տալիս որոնողական աշխատանքներ իրականացնել)։

Մնում է հասկանալ՝ բանակի կրճատումը Ադրբեջանի հերթական պահանջն է, որը հլու-հնազանդ իրագործում է ՀՀ իշխող օկուպացիոն վարչակարգը, թե սա սեփական նախաձեռնություն է՝ իշմար թշնամուն, որ շարունակում ենք թուլացնել ու քանդել Հայաստանը, վստահ նորից հարձակվեք։

«Մեր պաշտպանությունը մեր անպաշտպանվածության մեջ է»․ լևոնը Հայաստանի Հանրապետության կազմավորման առաջին օրերին բանաձևեց մեզ և մեր պետությունը կործանման տանող ուղին, որն այսօր լավագույնս և անշեղորեն իրականացնում են իր գաղափարաբանական մետաստազը հանդիսացողները․․․»։