Ձեր վստահելի աղբյուրը

Երևանն ու Մոսկվան աշխատում են Հայաստանի 102-րդ ռուսական ռազմաբազայի՝ երկրի արևելքում որոշակի ռազմական կազմի վերաբաշխման հնարավորության հարցի շուրջ: Այս մասին ՌԻԱ Նովոստիին տված հարցազրույցում ասել է պաշտպանության նախարար Վաղարշակ Հարությունյանը:

«Ավելի ճիշտ կլինի, հավանաբար, խոսել Ռուսաստանի ռազմական բազայից որոշակի ռազմական կազմավորման վերաբաշխման հնարավորության մասին (հաշվի առնելով դրա ընդլայնումը) դեպի Հայաստանի արևելյան ուղղություն, և այս համատեքստում՝ խնդրի համապատասխան համատեղ ուսումնասիրությունն ընթացքի մեջ է»,- ասել է Հարությունյանը:

Բացի այդ, նրա խոսքերով, լրացուցիչ գործառույթներ են վերապահված Հայաստանում ռուս սահմանապահներին:

«Իսկապես, ռուս սահմանապահներին վստահված են լրացուցիչ գործառույթներ՝ Ադրբեջանի հետ Հայաստանի Հանրապետության սահմանի անվտանգությունն ու պաշտպանությունն ապահովելու համար: Կասկած չունեմ, որ մեր պետությունների սահմանային ծառայությունների միջև սերտ և արդյունավետ համագործակցություն է հաստատվել»,- ասել է Հարությունյանը, հավելելով, որ Հայաստանում ռուս սահմանապահների առջև դրված բոլոր առաջադրանքները կկատարվեն ամենաբարձր մակարդակով:

«Ղարաբաղում հակամարտությունից առաջ Հայաստանում Ռուսաստանի անվտանգության դաշնային ծառայության սահմանապահ վարչության անձնակազմը պատասխանատու էր Անկախ Պետությունների Համագործակցության սահմանի անվտանգության և պաշտպանության խնդիրների կատարման համար, որն անցնում էր Հայաստանի Հանրապետության տարածքով: Այսօր իրավիճակը էապես փոխվել է»,- ասել է Վաղարշակ Հարությունյանը: