Ձեր վստահելի աղբյուրը

Նիկոլ Փաշինյանի ավիացիայի գծով նախկին խորհրդական Հակոբ Ճաղարյանը ֆեյսբուքյան իր էջում ահազանգում է.

«Հայկական օդանավի առևանգու՞մ,
Հերթական խաբեությու՞ն,
Թե՞ պրոֆեսիոնալ անճարակություն ՀՀ քաղաքացիական  ավիացիայում.

Փետրվարի 21-ին ՀՀ քաղաքացիական Ավիացիայի Կոմիտեն (ՔԱԿ) հեռագիր է ստացել Միացյալ Արաբական Էմիրությունների  Քաղաքացիական  Ավիացիայի Գլխավոր Վարչության կողմից (GDCA), հայկական  գրանցմամբ, EK-FAA համարանիշով Բոինգ-737 օդանավի առևանգման մասին:

Օդանավը թռիչք է կատարել Էստոնական Տալլինից, և, ըստ պլանի պետք է վայրէջք կատարեր Երևանում:

Բայց դրա փոխարեն  օդում որոշում է կայացվել գնալ Էմիրաթներ, տեխսպասարկման:
Եվ «տեխնիկական անսարքության պատճառով» վայրէջք է կատարել Թեհրանում:

Մանրամասները հաջորդիվ։

Հայաստանը, ցավոք,  «ամրագրում»  է իր տեղը համաշխարհային ավիացիայի «սև ցուցակում»»։

Panorama.am-ը փորձեց ահազանգի վերաբերյալ մեկնաբանություն ստանալ ՀՀ քաղաքացիական ավիացիայի կոմիտեից։ Կոմիտեի ղեկավար Տաթևիկ Ռևազյանը չպատասխանեց մի քանի երկարատև զանգերին։