Ձեր վստահելի աղբյուրը

Նիկոլ Փաշինյանն այլևս Հայաստանում իշխանություն չունի։ Այս մասին Փաշինյանի հրաժարականի պահանջով՝ քաղաքացիների երթի ընթացքում լրագրողներին ասաց ՀՅԴ ներկայացուցիչ Արծվիկ Մինասյանը։

«Նրա իշխանության պահողը միայն ԶՈւ-ն է և  ոստիկանական համակարգը։ Ոստիկանապետության ձգտող դավաճանը օր առաջ պետք է հեռանա։ Եվ մեր հանրությունը որքան շուտ համախմբվի այս հարցի շուրջ, այդքան շուտ մենք կազատվենք  այս հանցագործից և նրա նկատմամբ օրենքով սահմանված պատասխանատվությունը վրա կհասնի»,-  նշեց նա։

Անդրադառնալով Անդրանիկ Քոչարյանի հայտարարություններին, Մինասյանը նկատեց՝ այն պետական տեռորի կոչ է։

«Իշխանության ձգտումն է՝ հրահրել քաղաքացիական բախումներ, սա շատ պարզ երևում է։ Հայտարարություն անող անձնավորությունը, որին դուք վկայակոչեցիք և որն իրեն համարում է օրենդիր մարմնի հանձնաժողովի նախագահ, ակնհայտորեն ոչ միայն դուրս է եկել իր լիազորություններից, այլև պետական տեռորի կոչ է հնչեցրել։ Այն ինչ ամրագրված է օրենքում, բացարձակ կապ չունի նրա արած հայտարարության հետ»,- ասաց նա։