Կարեն Մեժլումյան. Հենց դատարանը պետք է դատախազին նկատողություն աներ
Ընդմիջման ավարտից հետո դատարանի դահլիճ վերադարձած դատավոր Աննա Դանիբեկյանը հայտարարեց, որ այսօր սահմանդրական կարգի տապալման ենթադրյալ գործով դատական նիստը սկսել է ուշացումով, քանի որ փորձել են պարզել փասաբան Էրիկ Ալեքսանյանը հնարավորություն ունե՞ր ներկայանալու։
Նա հաշվարկել է, որ Վերաքննիչ դատարանի Շենգավիթ նստավայր հեռավորությունը հաշվի առնելով՝ Էրիկ Ալեքսանյանը կարող էր ժամը 13։20 լինել նիստերի դահլիճում։
«Հաջորդ դատական նիստին Էրիկ Ալեքսանյանի ներկայությամբ դատարանը կանդրադռանա վերջինիս վարքագծի քննարկմանը»,-հայտարարեց դատավորն ը՝ ավելացնելով, եթե դատավարության մասնակիցները հայտարարություն ունեն, կարող են անել։
Մեղադրող դատախազ Գևորգ Բաղդասարյանն ասաց՝ նախորդ նիստում փաստաբանի բացակայության հարցը քննարկվել է։
«Նա նշեց դատական նիստի մասին, իսկ դատարանը գնահատական տվեց, որ հաջորդ նիստին բացակայությունը հարգելի չի համարելու։ Մենք հայտարարում ենք, որ Էրիկ Ալեքսանյանի վարքագիծը չարամիտ է, և կազմում է պաշտպանության կողմի վարքագծի բաղադրիչներից մեկը, սա անհարգալից վերաբերմունք է դատարանի ու դատավարության մասնակիցների նկատմամբ, նա չի կարող պլանավորել մեր օրը»,-ասաց դատախազը։
Ռոբերտ Քոչարյանի փաստաբաններից Արամ Վարդևանյանն առնվազն անտրամաբանական ու ոչ ընդունելի որակեց «չարամիտ» և այլ որակումներ տալն այն պարագում, երբ նիստին Ալեքսանյանը ներկա չէ։
«Նա դատարանին նախապես ներկայացրել է իր ծանրաբեռնվածության մասին։ Դատական նիստի մասին միջնորդությունը Էրիկ Ալեքսանյանը դատարանի աշխատակազմ ներկայացրել է երեկ։ Սա ևս խոսում է անձի պատշաճ վարքագծի մասին»,-ասաց Վարդևանյանը։
Յուրի Խաչատուրովի փաստաբան Միհրան Պողոսյանն իր հայտարարության մեջ ընդգծեց՝ ինչո՞ւ է դատական նիստն ուշ սկսկել, երբ այն նշանակված էր աժմը 13։00-ին։
«Իսկ ժամը 13։00-ին Էրիկ Ալեքսանյանն ունեցել է աշխատանքային ծանրաբեռնվածություն, ինչի մասին տեղեկացրել է։ Մենք ինչո՞ւ ժամը 13։00-ին չենք սկսել դատական նիստը, արհեսականորեն ձգձգել է։ Կամ որտեղի՞ց դատարանը գիտեր, որ Վերաքննիչ դատարանում նիստը պետք է հետաձգվեր։ Կարո՞ղ է արդեն դատարանը միջոցներ էր ձեռնարկել, որ այնտեղի դատական նիստը խափանվեր, որ Էրիկ Ալեքսանյանի մոտ իբր արհեստական հիմքեր ստեղծվեն, որ արհեստականորեն այս դատական նիստին չի ներկայացել։ Այս ամեն ինչը գալիս է նախորդ դատական նիստից, քանի որ աշխատանքային մթոնոլորտը դատարանի նախաձեռնությամբ խաթարվում է»,-ասաց Պողոսյանը։
Նա նկատեց, դատարանը կարող էր մեկ ժամ ուշացումով նշանակեր նիստը, քանի որ Վերաքննիչում արդեն նշանակված էր դատական նիստ, որի մասին Ալեքսանյանը տեղեկացրել էր։
Սեյրան Օհանյանի փաստաբան Կարեն Մեժլումյանն արձագանքեց դատախազի կողմից պաշտպանների հասցեին արված հայտարարությունը, անթույլատրելի որակեց նման որակումը։
«Ես գտնում եմ, որ հենց դատարանը պետք է դատախազին նկատողություն աներ, որ նման որակումներ՝ առավել ևս ամբողջ պաշտպանական կողմի վրա տարածելով չանի։ Հուսով եմ, որ դատարանը դրան կանդրադառնա»,-ասաց Մեժլումյանը։
Դատավոր Դանիբեկյանն ասաց՝ պաշտպան Էրիկ Ալեքսանյանի վարքագծին դատարանը կանդրադառնա, իսկ մինչ այդ դատավարության մասնակիցները կարող են հայտնել իրենց կարծիքները, որոնք կարող են չհամընկնել։
ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն արձագանքեց, դատախազներին էր պետք սկզբում զգուշացնել, որ չպետք է անդրադառնանա պարոն Ալեքսանյանի վարքագծին, մինչդեռ անդրադարձան՝ չիմանալով բուն պատճառները։
«Ավելին, փորձեցին պաշտպանական կողմի վրա ստվեր գցել՝ հավանաբարա հաշվի առնելով, որ տեսախցիկներ կան, հակառակ դեպքում, համոզված եմ, որ նման բան չէին անի, այդ ելույթը կարող էր նախատեսված լինել տեսախցիկից այն կողմ գտնվողների ու իրավիճակից ոչ այնքան լավ հասկացողների համար»,-ընդգծեց Ալումյանը։
Ապա նա նկատեց, որ այսօրվա նիստը սկսվել է 30 րոպե ուշացումով, և ոչ մի բացատրություն պատճառի մասին չի տրվել։
«Այդ կես ժամվա ընթացքում մենք լեգիտիմ իրավունք ունեինք թողնել ու գնալ, քանի որ դուք մեզ հրավիրել եք, մենք եկել ենք, ու ոչ մեկ մեզ չի ասում, թե ինչու նիստը չի բացվում, բայց մենք համբերատար ձեզ սպասեցինք»,-ասաց Ալումյանը՝ ավելացնելով, որ դատավորը պետք է բացեր դատական նիստը, ապա կամ ընդմիջեր կամ հետաձգեր։
Փաստաբանի խոսքով, մեծ հավանականություն կա, որ Վերաքննիչի նիստը մտածված տապալել են դատախազն ու քննիչը՝ չներկայանալով դրան։ Այդ նիստին չի ներկայացել նույն ինքը՝ դատավոր Դանիբեկյանը, թեև այդ գործով շահագրգիռ անձ է։
Հաշվի առնելով, որ դատական նիստը չի կարող տեղի ունենալ առանց պաշտպանի ներկայության, այսօրվա նիստը հետաձգվեց մինչև մարտի 2-ը՝ ժամը 13։00։
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
