Ձեր վստահելի աղբյուրը

«Մարդ, որը երկրում ունի բազմաթիվ գերիներ և ունակ չէ այդ գերիներով զբաղվել, բայց ունի դաշնակից, որը դրանով զբաղվում է՝ ինչպես կարելի է այդքան անհեռատես լինել,  չմտածել անգամ դրա մասին, կամ՝ այդքան թքած ունենալ այդ գերիների վար»,- «Հայելի» մամուլի ակումբում հայտարարց «Ադեկվադ» կուսակցության վարչության անդամ Լիլիթ Թումանյանը՝ մեկնաբանելով ռուսական «Իսկանդարի» անորակության մասին Նիկոլ Փաշինյանի հայտարարությունը:

Վերջինս գտնում է, որ այդ վարքով Նիկո Փաշինյանը վտանգի տակ է դնում գերիների կյանքը:

Դիտարկելով այդ հայտարարության միտումնավոր  լինելը՝ բանախոսը եզրակացրեց, որ դրանով հակառուսականության գիծն է զարգացվում, որի մասին տարբեր քաղաքական ուժերը հայտարարում էին:

Թումանյանը գտնում է, որ դրան կհետևի Ռուսաստանի պատասխանը, որը կուղղվի թույլ և թիրախավորված կետի վրա՝ չբացառելով, որ այդ հարվածը կարող է լինի գերիների վերադարձի մասով:

Մյուս կողմից էլ բանախոսը Փաշինյանին բնորոշ համարեց հիմարություններ դուրս տալը, անհետևողական լինելը և հետևանքները չհաշվարկելը:

Անդրադառնալով Արա Սաղաթելայնի ձերբակալությանը Լիլիթ Թումանյանը  հարց բարձրացրեց, թե ինչու էր իշխանությունը բազմաթիվ ֆեյքերից կենտրոնացել հենց այդ մեկի վրա:

Նրա խոսքով՝ այդ ֆեյքն հատուկ է աճեցվել:

«Հայտարարում են, որ ԱԱԾ-ն հոկտեմբերի 10-ից սկսում է հետևել մի ֆեյքի, որտեղ, ըստ իրենց կա հանցակազմ, սակայն չեն կասեցնում նրա գործունեությունը և քրեական գոծր չի հարուցվում, թույլ են տալիս, որ այն աճի, մեծացնում են և դարձնում մահակ: Նախկինում թմրանյուք էին գցում գրպանները՝ մարդուն ձերբակալելու համար, հիմա ֆեյք են գցում»,- հայտարարեց Թումանյանը և հավելեց, որ չի կարող ասել՝ այն քաղաքական իշխանության, թե ԱԱԾ-ի ֆեյքն է:

Իր այդ դատողությունը հիմնավորեց նրանով, որ այդ ֆեյքի գործով, ըստ ԱԱԾ հաղորդագրության, խումբ է անցնում, ինչը նշանակում է, որ  ինչքան ուզեն մեղադրյալներ կներգրավեն:

Լիլիթ Թումանյանը համաձայն չէ այն մտքի հետ, որ ընդդիմադիր շարժումը մարել է այլ ժամանակավոր դադար էր վերցրել, տակտիկական փոփոխությունների համար, որոնք արդեն նկատելի են փետրվարի 20-ից սկսած:

Նա դրական է համարում, որ ընդդիմությունը որոշել է մտնել բուհեր և նկատեց, որ ընդդիմության մեջ արդեն տեսնում է նոր երիտասարդ դեմքեր: Թումանյանը հայտարարեց, որ պետք է սպասել ընդդիմության նոր գործողությունների:

Բանախոսը գտնում է որ շահադիտականությունը բնորոշ է մարդկությանը և քաղաքականությանը, հետևաբար՝ միշտ էլ կլինեն մարդիկ, ովքեր կփորձեն համագործակցության եզրեր գտնել իշխանությունների, նույնիսկ՝ Նիկոլ Փաշինյանի ղեկավարած ուժի հետ, սակայն կարևորր է, որ դրանք գերակշռություն չկազմեն, իսկ հանրությունն ունենա հստակ վերաբերմունք նրանց նկատմամաբ:

«Անդրանիկ Քոչարյանն իր այդ հայտարարությամբ լեգիտիմացրեց իշխանության կողմից մարտի 1-ին տեղի ունեցած գործողությունները, այն ամենը ինչի համար մեղադրում էին Ռոբերտ Քոչարյանին, ստացվեց, որ լավ է արել»,- անդրադառնալով ԱԺ պաշտպանության մշտական հանձնաժողովի նախագահի՝ ժողովրդի վրա կրակելու հայտնի հայտարարությանը՝ նկատեց Լիլիթ Թումանյանը:

Վերջինս եզրակացրեց, որ այսուհետ Ռ. Քոչարյանի նկատմամբ մեղադրանքն առոչինչ է:

Բանախոսը գտնում է, որ իշխանությունները վախեցած են, դրան համար էլ խոսում են կրակելուց, բայց գիտակցում են, որ եթե կրակելու հրաման լինի, ապա ոստիկանական համակարգը կկազմալուծվի, քանի որ շատերը գիտակցում են, որ իշխանությունները մեղավոր են: