Ձեր վստահելի աղբյուրը

«Իր ամեն մի օրը մեզ մոտեցնում է պատերազմի, քանի որ կա  գայթակղություն, որ դեմները մի պետություն է, որը ոչ մի  պաշտպանվածություն չունի, փալասի պես  ղեկավարությունը կատարում է  ուրիշների կամքը»,- Ազատության հրապարակում լրագրողների հետ զրույցում ասաց Հայրենիքի փրկության շարժման վարչապետի միասնական թեկնածու Վազգեն Մանուկյանը:

Նա հարցադրում արեց, թե ինչո՞ւ 1994 թվականից հետո մինչև 2016 թվականը պատերազմ չտեսանք. «Քանի որ մենք  հաղթեցինք պատերազմում, դիմացինը համոզված էր, որ մենք ուժեղ ենք: Թշնամին պատրասվում էր պատերազմի, 2016 թվականին փորձեց, տեսավ, որ  չի ստացում, այսինքն միայն ուժի միջոցով կարելի է զսպել պատերազմը»:

Վ. Մանուկյանն ասաց, որ ժողովուրդը կտրուկ քայլերի կանցնի միայն այն դեպքում, երբ որ արդեն իսկապես իրական համազգային շարժում լինի և դիմացինինը դրդի դրան:

«Ապստամբությունը ժողովուրդը չի ստեղծում, ապստամբությանը դրդում է  իշխանությունը: Հիմա մենք զբաղված ենք համազգային շարժումը ձևավորելով:  Շարժման մասնակիցները տասնյակ հազարավոր են, բայց տներում նստած մարդիկ, որոնք իրենց մասնակից են զգում, հարյուր հազարավոր ենք: Մենք այդ երկու թիվն էլ ուզում ենք մեծացնել:

Այդ համազգային շարժումը, երբ բոցկլտա Հայաստանում, սրանք…  Սրանք վախկոտ մարդիկ են, իրենցից ոչ մեկը պատերազմում  չի եղել, ոչ մի վտանգ չի տեսել: Վախկոտ մարդիկ վտանգավոր են, խուճապից ելնելով կարող են անցնել այնպիս գործողությունների, որ դրդեն ժողովրդին ապստամբելու: Իսկ  երբ ժողովուրդն ապստամբի, իրենք չեն համարձակվի կրակել»,- ասաց Հայրենիքի փրկության շարժման վարչապետի միասնական թեկնածուն: