Ձեր վստահելի աղբյուրը

«Հայ –ռուսական հարաբերությունները նոր չէ, որ հարվածի տակ են: Կարծում եմ՝ այս տղան, որ մի քիչ էլ երկար մնա, ոչ միայն Ռուսաստանի, աշխարհի բոլոր երկրների հետ մենք վատ հարաբերություններ կունենանք»,- Ազատության հրապարակում լրագրողների հետ զրույցում ասաց Հայրենիքի փրկության շարժման վարչապետի միասնական թեկնածու Վազգեն Մանուկյանը:

Նիկոլ Փաշինյանի՝ «Իսկանդերի» անգործունակության մասին հայտարարության հետ կապված նա նշեց, որ մարդ պետք է լինի իդեոտ  կամ իսկապես թշնամին, քանի որ ինքը կտրուկ վատացրեց մեր հարաբերությունները ՌԴ հետ և ինքն այդ զենքից ոչինչ չի հասկանում:

«Ես չեմ հասկանում՝ դա դիտավորյալ արեց հենց Ռուսաստանի դեմ ուղղված, թե իր սովորական ձևն է՝ ինքը մեղավոր չէ, զենքն է մեղավոր: Երևի  իր համար նշանակություն ունի, որ այդ զենքը գնվել է  Սերժ Սարգսյանի ժամանակ, ուզում է ցույց տալ, որ  Սերժ Սարգսյանի ժամանակ գնված զենքը վատն է: Այդպիսի մարդ է ինքը:

2,5 տարի է ես ու շատերն ասում ենք՝ սա օտարի ծրագիր է, նա հետևողականորեն այդ օտարի ծրագիրը կատարում է:

Ինչո՞ւ եք հիմա զարմանում, չեմ հասկանում: Ես ուրիշ բանի վրա եմ զարմանում. զարմանում եմ, որ դարձավ վարչապետ ու  զարմանում եմ, որ մինչև հիմա իրեն չենք քշել»,- ասաց Վ. Մանուկյանը:

Ըստ նրա, այդ հայտարարությունից հետո բնական է ՌԴ պետդումայի կոշտ արձագանքը ու միայն դա չի լինի. «Դուք անընդհատ ուզում եք վիրավորել որևէ երկրի,  լինի Ռուսաստան, Չինաստան, Ֆրանսիա, ի՞նչ եք մտածում՝ այդ պետության, ժողովրդի արժանապատվությունը վիրավորեք ու պատասխան չստանա՞ք: Սա ամենամեղմ պատասխանն էր, որ կարող էր լինել։
Ինքը դիմացիններին հիմարի տեղ է դրել: Լուրջ պետությունների ղեկավարներ են, խաղերը շատ լավ հասկանում են: Միտումնավոր ջարդում է այդ հարաբերությունները, դա ջարդվելու է մեր գլխին: Ինչ անձնական օգուտ ունի, ինքը գիտի, բայց այն, որ այդ կուրսն իրականացնելով կրակի տակ է գցում Հայաստանը, միարժեք է: Սա շարունակվելու է:

Այն, ինչ որ կատարվել է արդեն, սարսափելի է, այն, ինչ որ մեզ սպասում է,  ավելի սարսափելի է: Կարող է Սյունիքն էլ կորցնենք, ընդհանրապես ժողովուրդը թողնելու է ու հեռանա: Այն, ինչ որ չհաջողվեց հազարավոր տարիների մեր թնամիներին, հիմա կարող է հաջողվել»:

Վ. Մանուկյանն ընդգեծց Նիկոլն անընդհատ ստում է ու ասում հիմարություն:

«Ժողովրդի մի մասը հավատում էր այդ ստին, քաղցր խոսքերին: Իր ամեն ստից կամ հիմարությունից հետո ժողովրդի ավելի փոքր հատված է հավատում իրեն, վերջն այդ հատվածը կդառնա զրո»,- ասաց նա:

Վազգեն Մանուկյանը բնական է համարում  նոյեմբերի 9-ի հայտարարությունից հետո ժողովրդի արձագանքը. «Ապրի, որ ոտքի կանգնեց, իմ ու այլ քաղաքական գործիչների մեղավորությունն եմ տեսնում, որ չեկանք ու տեր չկանգնեցինք դրան, այդ երկու օրում կարելի էր դրան քշել:

Իսկ ինքն ինչո՞ւ էր գնացել բունկերում թաքնվել: Նույնիսկ ինքն էր հասկանում, թե ինչ պոթռկում կլինի այդ փաստաթղթից հետո: Պատերազմի կեսից երևում էր դավաճանությունը: Դրանից հետո ցանկացած շենք էլ կարելի էր գրավել, ցանկացած բան էլ կարելի էր անել»: