Ձեր վստահելի աղբյուրը

«Գիտնականներս գրի ենք առնում պատմությունը, շատ դեպքում չենք մտնում քաղաքականություն: Բայց դանակը հասել է ոսկորին, այլևս նահանջի տեղ չկա»,- ԱԺ դիմաց Հայրենիքի փրկության շարժման հանրահավաքին ասաց ԳԱԱ Պատմության ինստիտուտի տնօրեն, ակադեմիկոս Աշոտ Մելքոնյանը:

Նա նշեց, որ փետրվարի 25-ին զորավոր Անդրանիկ Օզանյանի ծննդյան օրն է, կարծում է՝ պատահական օր չէ:

«Այսօր շրջադարձ է տեղի ունենալու մեր շարժման մեջ: Մեր ժողովուրդն այնքան բարձր գտնվեց, որ թթու խոսք չասաց հայոց հաղթական բանակի հասցեին, քանի որ բանակը միշտ հաղթել էր:
Այսօր ևս ապացուցեց, որ հայոց բանակը հայ ժողովրդի հետ է, հայ ժողովուրդն էլ հայոց բանակի հետ է:

Մեր փառապանծ գեներալիտետը, բարձրաստիճան սպայական կազմը ցույց տվեց իր իրական դեմքը: Մենք համոզված էինք, որ այս պատերազմում արեցին ամեն ինչ, անհնարինը փորձեցին հնարավոր դարձնել, բայց  հազար ու մի քաղաքական պատճառներով մենք տխուր վիճակի եկանք: Բայց դա չի նշանակում, որ մեր բանակի հետ չենք, և մենք վաղը չենք հաղթելու, այսօր չենք հաղթելու»,- ասաց ակադեմիկոսը:

Ա. Մելքոնյան միաժամանակ նշեց. «Հավատացեք՝ Գիտությունների ազգային ակադեմիան իր բոլոր ինստիտուտներով կանգնած է  ձեզ կողքին, շատ լավ է հասկանում, որ մեր ժողովորդի գլխին նորից կախվել է թուրքական յաթաղանը:

«Ուրախ եմ, որ այսօր մեր կարգախոսը փոխվեց, այո՝ առանց թուրքի Հայաստանը զտարյուն է դարձել արցախյան շարժման շնորհիվ ու պետք է ազատվի նաև ներքին թուրքից: Մենք դրանում համոզված ենք, քանի որ կանգնել է մեր ժողովուրդը, մեր սփյուռքը: Վերջերս սփյուռքում էի, ամենուր մտահոգ էին Հայաստանի վաղվա օրվա հարցով: Անպայման հաղթելու ենք»։

Նշենք, որ Փաշինյանի հրաժարականը պահանջող հազարավոր քաղաքացիներ գոռում են «Առանց թուրքի Հայաստան», «Առանց թուրքի Հայաստան»։