Ձեր վստահելի աղբյուրը

«Մինչև մեր հարցը չլուծենք, չենք հեռանալու»,- Ազգային ժողովի մոտ հանրահավաքի ժամանակ հայտարարեց Հայրենիքի փրկության շարժման վարչապետի թեկնածու Վազգեն Մանուկյանը:

«Ինքը Հանրապետության հրապարակում շատ կոշտ հայտարարություններ է արել, բայց դրա հետ միաժամանակ ասել է, որ համաձայն է իրեն ամենասուր քննադատողների հետ հանդիպել խորհրդակցությունների համար: Մենք սուր քննադատող չենք, մենք իրեն ընդունում ենք որպես մեր հայրենիքը դավաճանած, հազարամյակի թշնամի: Իր հետ մենք միայն մի խոսելու բան ունենք՝ քննարկենք, թե ոնց է ինքը դուրս գալու իշխանությունից:

Իշխանության հարցը լուծվելու է Ազգային ժողովում, ուրեմն մեր շտաբն այստեղ է: Ուրեմն փողոցը բարիկադներով երկու կողմից փակեք լրիվ: Կմնանք այստեղ, թող ինքը գա, թելադրենք իրեն, թե ինչ պահանջներ ունենք, ոնց ինքը պետք է հեռանա»,- նշեց նա:

Վազգեն Մանուկյանն ասաց, որ պայքարում են ապագա բոլոր սերունդների համար.

«Ժողովուրդ, մի հոգնեք, մեր ապագա բոլոր սերունդների համար ենք հիմա պայքարում: Պատմական պահ է, եղեք տոկուն, համբերատար: Այս փողոցը կփակենք, պատգամավորներին պետք է բերենք, որ քվեարկեն, իրեն հանեն: Պատրաստվեք, ամբողջ գիշեր այստեղ ենք մնալու: Մեկը կգնա, մյուսը կգա, իրար կփոխարինենք: Բայց այսօր բարիկադներով երկու ծայրից փակելու ենք փողոցը:

Այս պահը բաց թողնել, նշանակում է՝ կորցնել հայրենիքը»: